Novruz Məmmədov: Medvedyevin təşəbbüsü çox səmərəli ola bilər

SON XƏBƏRLƏR

Novruz Məmmədov: Medvedyevin təşəbbüsü çox səmərəli ola bilər

2021.10.20, 07:36

Gunaz.tv

Novruz Məmmədov: «Prezidentlərin görüşməsi təşəbbüsü Rusiya dövlət başçısının Ermənistan səfəri zamanı ortaya çıxıb» «Rusiya prezidentinin təşəbbüsü, mənə elə gəlir ki, çox səmərəli ola bilər». Bunu APA-ya eksklüziv açıqlamasında Prezident Aparatı (PA) beynəlxalq əlaqələr şöbəsinin müdiri Novruz Məmmədov Rusiya prezidenti Dmitri Medvedyevin yaxın günlərdə onun, Azərbaycan və Ermənistan prezidentlərinin Rusiyada üçtərəfli görüşünün keçiriləcəyi barədə bu gün İrəvanda verdiyi bəyanata münasibət bildirərkən deyib. N.Məmmədov hesab edir ki, Rusiya prezidenti İrəvanda Ermənistan prezidenti ilə danışıqlardan sonra belə fikrə gəlib: «Belə bir qərar olarsa, Rusiya prezidentindən rəsmi təklif gələcək, o zaman da biz konkret mövqe bildirəcəyik. Prinsip etibarı ilə indi gedən proseslər, xüsusilə avqust ayında baş vermiş hadisələrdən sonra münaqişələrin qalmasının, təhlükənin qalması demək olduğu regionda və dünyada hamıya birdəfəlik aydın oldu. Hamı artıq anlayır ki, təhlükələrin birdəfəlik sovuşması üçün münaqişələri həll etmək lazımdır. Bu nöqteyi-nəzərdən düşünürəm ki, Ermənistan-Azərbaycan, Dağlıq Qarabağ münaqişəsinin həllinin vaxtı çatıb. Ermənistan tərəfi müdriklik və qətiyyət nümayiş etdirərək, münaqişənin həlli üçün konstruktiv mövqe tutmalıdır». Ermənistan prezidenti Serj Sərkisyanın «Erməni tərəfi danışıqların Dağlıq Qarabağın öz müqəddəratını həll etməyə imkan verən «Madrid prinsipləri» əsasında davam etdirilməsinə hazırdır» bəyanatına münasibət bildirən şöbə müdiri Ermənistan prezidentinin öz maraqları çərçivəsində bəyanat verdiyini qeyd edib: «O elə bəyanat verir ki, xalqı, seçiciləri, tərəfdaşları onu ittiham eləməsin. «Madrid prinsipləri» beynəlxalq hüququ formalaşdıran prinsiplər deyil. Məsələyə beynəlxalq hüquqdan çıxış edərək, Madrid danışıqları əsasında yanaşma ola bilər. Burada isə əgər beynəlxalq hüquqdan söhbət gedirsə, ölkələrin ərazi bütövlüyü birinci sıradadır». D.Medvedyevin İrəvana səfərindən əvvəl mətbuatda Ermənistan Silahlı Qüvvələrinin Dağlıq Qarabağdan çıxarılması və orada Rusiya qoşunlarının yerləşdirilməsi barədə yayılan məlumatlara münasibət bildirən PA rəsmisinin sözlərinə görə, bununla bağlı Azərbaycanla hər hansı müzakirə aparılmır: «Azərbaycanla heç bir müzakirə aparılmadan, rəsmi Bakının icazəsi olmadan Azərbaycan ərazisində hansısa qüvvələrin yerləşdirilməsindən söhbət gedə bilməz». bizimyol

GUNAZ.TV

SON XƏBƏRLƏR