AKP PKK-nı DƏSTƏKLƏYƏN KÜRD PARTİYASI İLƏ GİZLİ DANIŞIQ APARIR . Türkiyədə hakim partiyanın ikinci adamı DTP liderləri ilə görüşüb

SON XƏBƏRLƏR

AKP PKK-nı DƏSTƏKLƏYƏN KÜRD PARTİYASI İLƏ GİZLİ DANIŞIQ APARIR . Türkiyədə hakim partiyanın ikinci adamı DTP liderləri ilə görüşüb

2021.10.20, 07:36

Gunaz.tv

AKP PKK-nı DƏSTƏKLƏYƏN KÜRD PARTİYASI İLƏ GİZLİ DANIŞIQ APARIR Türkiyədə hakim partiyanın ikinci adamı DTP liderləri ilə görüşüb

Türkiyədə hakim Ədalət və İnkişaf Partiyasının (AKP) PKK-ya açıq dəstək verən kürd partiyası DTP ilə gizli danışıqlar apardığı üzə çıxıb. “Hürriyet” qəzetinin xəbərinə görə, AKP-nin ikinci adamı sayılan Dengir Mir Mehmet Fırat Ankaradakı restoranların birində DTP liderləri Əhməd Türk, Sırrı Sakik və İbrahim Bilici ilə gizli görüşüb. 3 saatdan çox davam edən görüşün şahidi olan “Hürriyet”in əməkdaşı qeyd edib ki, içki içildiyi yemək zamanı tərəflərin bir-birinə qarşı səmimi davrandığı görünüb. Lakin Fırat restoranda jurnalistin olduğunu görərək ofisiantı yanına çağırıb və binanı gizli tərk etmək üçün yolu soruşub. Ofisiant isə ona qarajdan çıxmağı məsləhət görüb. Bundan sonra Fırat Sakıkla birlikdə restoranı qarajdan tərk edib. Əhməd Türk isə görüşün təsadüfən baş tutduğunu, gündəmdəki məsələlərin müzakirə olunduğunu bildirməklə kifayətlənib. Bu görüş Türkiyədə PKK terrorçularının azğınlaşdığı və bir-birinin ardınca qanlı terror aksiyalar törətdiyi bir vaxta təsadüf edir. DTP indiyədək PKK-nı terrorçu təşkilat kimi tanımaqdan imtina edib, həmçinin bu təşkilatdan olan millət vəkillərinin PKK ilə yaxın əlaqələri var. Hazırda Türkiyədə Konstitusiya Məhkəməsi terrora dəstək verdiyinə görə DTP-nin fəaliyyətinin qadağan olunmasına dair iddiaya baxır. AKP və DTP funksionerləri arasındakı bu görüş isə ölkədə yerli seçkilərin başlaması ərəfəsinə təsadüf edib. Britaniyanın “The Economist” həftəliyinin məqaləsində deyilir ki, Türkiyədə hakim partiya kürdlərə yönələn fəal siyasət aparır, ancaq bu siyasətin əsl məqsədi kürdlərdən səs almaqdır. Siyasət şöbəsi musavat

GUNAZ.TV

SON XƏBƏRLƏR