Silahlı Qüvvələrin nümayəndələri beynəlxalq tədbirlərə qatılırlar

SON XƏBƏRLƏR

Silahlı Qüvvələrin nümayəndələri beynəlxalq tədbirlərə qatılırlar

2021.10.20, 07:36

Gunaz.tv

Silahlı Qüvvələrin nümayəndələri beynəlxalq tədbirlərə qatılırlar

Azərbaycanla Qazaxıstan arasında imzalanmış ikitərəfli əməkdaşlıq planına uyğun olaraq, Bakıda Qazaxıstan hərbi qulluqçularının Azərbaycanın hərbi tədris müəssisələrində təhsil alması imkanları məsələlərinin müzakirəsi (01-04 sentyabr), Qazaxıstan HDQ gəmilərinin təmiri ilə bağlı işçi görüşü (08-10 sentyabr). Azərbaycanla ABŞ arasında imzalanmış ikitərəfli əməkdaşlıq planına uyğun olaraq isə Bakı Strateji Tibbi Planlaşdırma üzrə seminar (01-05 sentyabr), ABŞ-NATO daxilindəki hərbi təşkilatın strukturu, işlər və standartlaşdırma mövzusunda seminar (09-11 sentyabr), Moyak şəhərində Dəniz Anti-Terror Operatoru üzrə ixtisas artırma kursu (04-30 sentyabr) təşkil olunub. Müdafiə Nazirliyinin mətbuat xidmətindən Lent.az-a bildirilib ki, Azərbaycanla Türkiyə arasında imzalanmış ikitərəfli əməkdaşlıq planı çərçivəsində Balıkəsir şəhərinin Altınova qəsəbəsində və Yalova şəhərində “Kiçik çaplı və Hava Hücumundan Müdafiə Silahları” kursu (01-12 sentyabr), Balıkəsir şəhərində Mina gəmilərində növbə zabitinin təlim kursu (01-26 sentyabr), İsparta şəhərinin Eyirdir qəsəbəsində Komando təməl kursu (01 sentyabr - 14 noyabr), Ankara şəhərində “Oftalmologiya üzrə ixtisas təlimi” (01 sentyabr 2008 - 01 sentyabr 2013), İstanbul şəhərində “HHM zabitləri üçün təməl kursu”, “Zabitlər üçün hava nəqliyyatı üzrə kurs” (04 sentyabr 2008 - 04 fevral 2009), İzmir şəhərinin Foça qəsəbəsində Desant gəmilərində növbə zabitinin təlim kursu, Dəniz piyadası taborunun zabitlərinin amfibiya təməl kursu (08 sentyabr - 17 oktyabr), İzmir şəhərində “Orta səviyyəli ingilis dili kursu” (08 sentyabr 2008 - 19 iyun 2009), “Başlanğıc ingilis dili kursu” (08 sentyabr 2008 - 31 iyul 2009) keçirilir. Azərbaycanla Pakistan arasında imzalanmış ikitərəfli əməkdaşlıq planına uyğun olaraq, Himalaya şəhərində Gəmi Dalğıcı kursu (01 sentyabr - 22 noyabr), Azərbaycanla Almaniya arasında imzalanmış ikitərəfli əməkdaşlıq planına uyğun olaraq, Ahlen şəhərində 22-ci Tibb Alayının ziyarəti və təlim-tədris prosesinin müşahidəsi (08-14 sentyabr), Azərbaycanla Böyük Britaniya arasında imzalanmış ikitərəfli əməkdaşlıq planına uyğun olaraq isə Dartmoth şəhərində İngilis Dili kursu, Kral HDQ gənc zabit kursu (08sentyabr 2008-31iyul 2009) təşkil edilib. Bundan başqa, Azərbaycanla Rusiya arasında təhsil üzrə proqrama əsasən, Tver, Tula, Penza, Smolensk şəhərlərində hərbi ixtisaslar üzrə hərbi təhsil (10 sentyabr 2008) keçirilir. Tədbirlərdə Azərbaycan Silahlı Qüvvələrinin nümayəndələri iştirak edirlər. LENT.AZ

GUNAZ.TV

SON XƏBƏRLƏR