Contact Us

SON XƏBƏRLƏR

Dəniz Baykal: “Hökumətin Azərbaycana zərər verəcək hərəkətdən uzaq durmasını istərdim”

2021.10.20, 07:36
Dəniz Baykal: “Hökumətin Azərbaycana zərər verəcək hərəkətdən uzaq durmasını istərdim”

Gunaz.tv
Dəniz Baykal: “Hökumətin Azərbaycana zərər verəcək hərəkətdən uzaq durmasını istərdim” deniz-baykal-1.jpg Türkiyə Prezidenti Abdullah Gülün Yerevana gedəcəyi barədə xəbərlər Ankarada da birmənalı qarşılanmayıb. Müxalifətçi Cümhuriyyət Xalq Partiyasının (CHP) rəhbəri Dəniz Baykal bu məsələyə ilk olaraq reaksiya verib: “Türkiyə bir matç vasitəsilə Ermənistanla yeni bir əlaqə yaratmaq məqsədindədir. Ancaq hökumətin Azərbaycana zərər verəcək hər hərəkətdən uzaq durmasını istərdim”. Jurnalistlərin suallarını cavablandıran Baykal deyib ki, Türkiyənin Ermənistanla əlaqələrdə bəlli bir məsafə, diqqət və tələb içərisində olmasının, bu ölkə ilə də Azərbaycanla qurulmuş münasibətlərin qurulmamasının üç təməl səbəbi var: “Birincisi, Ermənistan hələ də Türkiyənin ərazi bütövlüyünü qəbul etmir. İkincisi, Türkiyəyə qarşı soyqırım iddiasını Ermənistan bütün gücü ilə sürdürür. Üçüncüsü isə Ermənistan Azərbaycan torpaqlarını, Dağlıq Qarabağı işğal edib və bu işğal əməli olaraq davam etməkdədir”. Baykal bildirib ki, Azərbaycan xalqı iqtidarlı-müxalifətli, bütün kəsimləriylə Türkiyənin gerçək dostudur: “Öz ifadələriylə desək, “Biz iki dövlət, bir millətik...” Azərbaycan Türkiyə üçün iqtisadi, təhlükəsizlik, siyasət, mədəniyyət... hər baxımdan fövqəladə əhəmiyyətlidir. Odur ki, hökumət belə bir ölkə ilə əlaqələrimizə zərrə qədər zərər verəcək addım atmaqdan uzaq durmalıdır”. Jurnalistlərdən birinin “Yerevana matça gedərsinizmi” sualına CHP lideri belə cavab verib: “Mən Bakıya matça getməyə üstünlük verərəm...” LENT.AZ

SEÇİLMİŞ XƏBƏRLƏR

Çox oxunanlar