Contact Us

SON XƏBƏRLƏR

Dmitri Medvedev: “Cənubi Osetiya və Abxaziyanın müstəqilliyinin tanınması barədə qərarımız dəyişməyəcək”

2021.10.20, 07:36
Dmitri Medvedev: “Cənubi Osetiya və Abxaziyanın müstəqilliyinin tanınması barədə qərarımız dəyişməyəcək”

Gunaz.tv
Dmitri Medvedev: “Cənubi Osetiya və Abxaziyanın müstəqilliyinin tanınması barədə qərarımız dəyişməyəcək” dmitrimedvedyev180808.jpg Moskva-APA. “Rusiya Cənubi Osetiya və Abxaziyanın müstəqilliyini tanıması ilə bağlı qərarını dəyişməyəcək”. APA-nın məlumatına görə, bu bəyanatla Rusiya prezidenti Dmitri Medvedev çıxış edib. O bildirib ki, adı çəkilən qərardan imtina üçün heç bir əsas yoxdur: “Hüquqi nöqteyi-nəzərdən yeni dövlətlər peyda olub, onların tanınması prosesi kifayət qədər uzun müddət çəkə bilər, amma bununla belə bizim mövqeyimizdə dəyişiklik olmayacaq. Biz qərarımızı birdəfəlik qəbul etmişik”. Dmitri Medvedev bunda sonra Rusiyanın xarici siyasət kursunun beş əsas prinsipə əsaslanacağını bildirib: “İlk olaraq Rusiya beynəlxalq hüququn əsas prinsiplərini tanıyır. İkincisi - dünya çoxqütblü olmalıdır, birqütblü dünya anlayışını qəbul etmirik. Üçüncüsü, Rusiya heç bir ölkə ilə qarşıdurma istəmir. Biz özümüzü təcrid etməyə hazırlaşmırıq. ABŞ və Avropa ölkələri ilə münasibətlərimizi mümkün olan qədər inkişaf etdirəcəyik. Xarici siyasət kursumuzun dördüncü prinsipi harada yaşamasından asılı olmayaraq Rusiya vətəndaşlarının həyat və ləyaqətinin müdafiəsidir. Biz həmçinin ölkə hüdudlarından kənarda fəaliyyət göstərən sahibkarlarımızın maraqlarını müdafiə edəcəyik. Hamı anlamalıdır ki, təcavüz edən mütləq cavabını alacaq”. Rusiya prezidenti beşinci prinsip olaraq Rusiyanın dost regionlardakı maraqlarını qeyd edib: “Dünyanın elə regionları var ki, orada Rusiyanın xüsusi maraqları var. Bu regionlarda bizimlə dostluq əlaqələrinə malik ölkələr yerləşir. Söhbət təkcə sərhədyanı ölkələrdən getmir. Rusiya bu ölkələrlə münasibətləri son dərəcə dəqiqliklə quracaq”. apa

SEÇİLMİŞ XƏBƏRLƏR

Çox oxunanlar