Contact Us

SON XƏBƏRLƏR

MOSKVA TÜRKİYƏDƏN QİSAS ALIR_Türk mallarının ölkəyə daxil olmasına qadağa qoyuldu

2021.10.20, 07:36
MOSKVA TÜRKİYƏDƏN QİSAS ALIR_Türk mallarının ölkəyə daxil olmasına qadağa qoyuldu

Gunaz.tv
MOSKVA TÜRKİYƏDƏN QİSAS ALIR Türk mallarının ölkəyə daxil olmasına qadağa qoyuldu 402.jpg Rusiya Türkiyənin Amerika hərbi gəmilərinin Gürcüstana yardım üçün Qara dənizə keçməsinə icazə verdiyinə görə bu ölkədən qisas alır. Xəbər verildiyi kimi, Rusiya Türkiyə ilə sərhəd-keçid məntəqələrində nəzarət sistemini sərtləşdirib, sərhəddə yük maşınlarının uzun növbələri yaranıb. Türkiyənin iqtisadiyyat üzrə dövlət naziri Gürşad Tüzmən isə dünən açıqlayıb ki, Rusiya Avropadan gələn türk mallarının da ölkəyə daxil olmasına qadağa tətbiq edir. O deyib ki, Rusiya tərəfi bu günədək türk mallarına qarşı tətbiq edilən embarqoların səbəbini izah etməyib. “Bizim məlumatlarımıza görə, Avropadan gələn türk mallarına ikinci yoxlama tətbiq edilir, nəticədə bu malların bazara daxil olması ləngidilir” deyə Tüzmən bildirib. Hökumətdəki mənbələr isə deyiblər ki, Türkiyənin məşhur markalarından bir çoxu öz mallarını Avropanın bir çox ölkələrində istehsalını təşkil edib, oradan həmin mallar yük maşınları ilə Rusiya və digər ölkələrə daşınır. Lakin Rusiyanın gömrük xidməti ölkəyə türk mallarının daxil olmasını əngəlləyir. Digər tərəfdən, dünyanın aparıcı markaları da Türkiyə fabriklərində istehsal etdikləri malları Rusiyaya satmaqda çətinlik çəkir, çünki iki ölkənin sərhəddində malların keçidi ləngidilir. Qeyd edək ki, Rusiya Türkiyənin ən iri ticarət partnyorlarından biridir, iki ölkə arasında illik ticarət dövriyyəsi 25 milyard dollara çatır. Türkiyə Gürcüstana humanitar yardım aparan 3 Amerika hərbi gəmisini boğazlardan buraxmağa razılıq verib. Həmçinin Qara dənizdə manevrlər keçirən 10-dan çox müxtəlif tipli NATO hərbi gəmisi də boğazlardan keçib. Rusiya xəbərdar edir ki, əgər bu gəmilər Montre anlaşmasına uyğun olaraq 21 gün ərzində Qara dənizi tərk etməsə baş verənlərə görə Türkiyə məsuliyyət daşıyacaq. Siyasət şöbəsi musavat

SEÇİLMİŞ XƏBƏRLƏR

Çox oxunanlar