Contact Us

SON XƏBƏRLƏR

BU GÜN(1 SENTYABR) AVROPA BİRLİYİ RUSİYAYA DAİR SAMMİT KEÇİRƏCƏK

2021.10.20, 07:36
BU GÜN(1 SENTYABR) AVROPA BİRLİYİ RUSİYAYA DAİR SAMMİT KEÇİRƏCƏK

Gunaz.tv
BU GÜN AVROPA BİRLİYİ RUSİYAYA DAİR SAMMİT KEÇİRƏCƏK İttifaqın sıralarında parçalanma yaranıb 71.jpg Bu gün Brüsseldə Avropa Birliyinin Rusiyanın Gürcüstana hərbi müdaxiləsi ilə bağlı yaranmış böhranla bağlı növbədənkənar sammiti keçiriləcək. Sammitdə Rusiyaya qarşı sanksiyaların tətbiqi müzakirəyə çıxarılmalıdır. AB Rusiyadan qoşunlarını atəşkəs razılaşmasına uyğun olaraq Gürcüstandan bütünlüklə çıxarmağa çağırır. Lakin ittifaqa daxil olan liderlər Gürcüstandakı vəziyyətlə bağlı fövqəladə danışıqlar keçirməyə hazırlaşarkən, bir çox Avropa ölkələri arasında məsələyə dair fikir ayrılığına dair işarələr artmaqdadır. Britaniyanın baş naziri Qordon Braunun sözlərinə görə, Rusiyanın Gürcüstana qarşı düşmən münasibəti ondan xəbər verir ki, rəsmi Moskva Sovet İttifaqının dağılmasından sonra yeni Avropa reallığı ilə barışmayıb. O, Avropa İttifaqını Moskvanın Gürcüstanla bağlı mövqeyini dəyişmədiyi halda, Rusiya ilə münasibətlərə yenidən baxmağa çağırıb. Buna baxmayaraq, Almaniya həm Rusiyanı, həm də Gürcüstanı böhranın gərginləşməsinə gətirən birtərəfli addımlarda günahlandırıb. Qəzetə verdiyi müsahibədə xarici işlər naziri Frank Valter Ştaynmayer deyib ki, Avropa İttifaqı vəziyyətin gərginləşməsinin qarşısını almaq üçün daha güclü rol oynamalıdır. Birliyə daxil olan İtaliya isə Rusiyaya qarşı sanksiyaların əleyhinə çıxış edir. Bu baxımdan sammitdən Rusiyaya qarşı güclü qərarın çıxacağına şübhə var. Xatırladaq ki, Rusiya qüvvələri hazırda Gürcüstanın əsas liman şəhəri olan Potini, habelə Abxaziya və Cənubi Osetiya ətrafındakı kəndləri nəzarətdə saxlayır. Məlum olub ki, Gürcüstanda qalan Rusiya hərbçiləri gürcü qaçqınların öz evlərinə qayıtmasına imkan vermir. Bunu BMT-nin qaçqınlar üzrə ali komissarının nümayəndəsi Melita Sundjiç deyib. Onun sözlərinə görə, BMT-də rus hərbçilərinin qaçqınların evlərinə qayıtmasına birbaşa əngəl törətməsi barədə məlumat olmasa da, hərbçilər qaçqınlara xəbərdarlıq edir ki, onların təhlükəsizliyinə heç bir təminat yoxdur. BMT-nin məlumatına görə, təşkilatın Qaçqınlar üzrə Ali Komissarlığı tərəfindən Qoridə təşkil olunmuş qaçqın düşərgəsində azı 2000 nəfər var. Rusiya hərbçiləri tərəfindən yaradılmış bufer zonasında qalan və öz evlərinə qayıdacaqlarına ümid edən daha bir neçə nəfər isə yaxınlıqdakı rayonlarda ola bilər. Xəbər xidməti musavat

SEÇİLMİŞ XƏBƏRLƏR

Çox oxunanlar