Rasim Musabəyovun fikrincə, Abdulla Gülün Ermənistana səfəri həm ölkə daxilində, həm də Azərbaycanda onun nüfuzuna böyük zərbə ola bilər

SON XƏBƏRLƏR

Rasim Musabəyovun fikrincə, Abdulla Gülün Ermənistana səfəri həm ölkə daxilində, həm də Azərbaycanda onun nüfuzuna böyük zərbə ola bilər

2021.10.20, 07:36

Gunaz.tv

“Türkiyə Ermənistanı düşmən mövqeyindən uzaqlaşdırmaq istəyir”

Rasim Musabəyovun fikrincə, Abdulla Gülün Ermənistana səfəri həm ölkə daxilində, həm də Azərbaycanda onun nüfuzuna böyük zərbə ola bilər Türkiyə prezidenti Abdulla Gülün Ermənistana səfər edəcəyinin qətiləşməsi barədə məlumatlar yayılmaqdadır. Xəbərlərə görə, artıq A.Gülün mühafizəçiləri səfərə hazırlıq görmək məqsədiylə Irəvana yola düşüblər. Xatırladaq ki, A.Gülün bu səfəri Ermənistan prezident Serj Sərkisyanın dəvətiylə futbol matçına tamaşa etmək məqsədi daşıyır. Ümumiyyətlə Türkiyə prezidentinin bu addımı ona nə vəd edir? Və Türkiyə Ermənistan yaxınlaşması Ankara-Bakı münasibətlərinə necə təsir edə bilər? Politoloq Rasim Musabəyovun fikrincə, Türkiyənin son zamanlar Ermənistanla münasibətlərdə yaxınlaşmaya cəhd göstərməsi Ankaranın maraqlarıyla bağlıdır: “Ermənistan Türkiyəyə qarşı iddialarından birdəfəlik əl çəkməsə də, münasibətlərdə müəyyən müsbət dönüş olsa, bunu təqdir etmək olar. Amma hələ ki, belə bir dəyişiklik gözlənilmir. Belə olan halda Türkiyə dövləti üçün Ermənistanla yaxınlaşmağa görə, hansısa mənfi nəticələrin olacağı gözlənilmir. Amma şəxsən Abdulla Gülün nüfuzu üçün həm ölkə daxilində, həm də Azərbaycanda böyük zərbə ola bilər”. Türkiyə ilə Ermənistan arasında son zamanlar bir sıra diplomatik təmasların iki dövlət arasında mövcud olan problemlərin həlli məqsədi daşıdığını düşünən R.Musabəyov hesab edir ki, Türkiyə Ermənistanı özünə qarşı daimi düşmən mövqeyindən uzaqlaşdırmaqda maraqlıdır. Türkiyə-Ermənistan münasibətlərinin normal olmamasının Ankara üçün əksər beynəlxalq təşkilatlarda “başağrısı” gətirdiyini vurğulayan R.Musabəyov bildirdi ki, bu üzdən problemin həlliylə bağlı səylər tamamilə zəruridir. “Amma kimsə düşünürsə ki, Ermənistanla Türkiyə arasında münasibətləri normallaşdırmaq mümkündür və ermənilər Türkiyəyə qarşı ərazi iddialarından əl çəkəcəklər - bu, sadəlöhvlükdür”, - deyə R.Musabəyov vurğuladı. Xəyal azadliq

GUNAZ.TV

SON XƏBƏRLƏR