Contact Us

SON XƏBƏRLƏR

Sərt Obama_Mən sərt diplomatik siyasət yürüdəcəyəm ki, Rusiya təcavüzünün qarşısı alınsın

2021.10.20, 07:36
Sərt Obama_Mən sərt diplomatik siyasət yürüdəcəyəm ki, Rusiya təcavüzünün qarşısı alınsın

Gunaz.tv
Sərt Obama dunya.jpg "Mən sərt diplomatik siyasət yürüdəcəyəm ki, Rusiya təcavüzünün qarşısı alınsın" Respublikaçılar Partiyasının ABŞ prezidentliyinə namizədi Con Makkeyn vitse-prezident postuna namizədi müəyyənləşdirib. "The International Daily Tribune" qəzetinin məlumatına görə, bu barədə senatorun yaxın köməkçiləri bildiriblər. Makkeyn vitse-prezident postuna namizədin adını bu gün Ohayo ştatının Deyton şəhərindəki çıxışı zamanı çəkəcək. Ekspertlərin fikrincə, həmin posta Mitt Romni, Tim Poulenti və Cozef Liberman üçlüyündən birinin namizədliyi irəli sürüləcək. Müşahidəçilər qeyd edirlər ki, abortun aktiv tərəfdarı olan Libermanın seçilməsi mühafizəkar respublikaçıları qorxuda bilər. Əvəzində isə qadınların, eləcə də mühafizəkar əhval-ruhiyyəli Demokratlar Partiyası üzvlərinin səslərini gətirə bilər. Buna baxmayaraq, vitse-prezident postuna ən real namizəd Mitt Romni sayılır. Çünki Romni Miçiqan ştatında seçicilərin səsini qazanmağa kömək edəcək. Bu ştat isə prezident seçkilərində həlledici ştatlardan sayılır. Prezident seçkilərindən söz düşmüşkən qeyd edək ki, Makkeynin rəqibi Barak Obama prezidentliyə namizəd olmağa rəsmən razılıq verib. O, bunu Kolorado ştatının Denver şəhərində minlərlə insan qarşısında çıxışı zamanı deyib: "Mən İraqda müharibəyə son qoyacağam, "Əl Qaidə"yə, Əfqanıstanda Talibana qarşı döyüşləri dayandıracağam. Gələcək münaqişələri dəf etmək üçün ordumuzu bərpa edəcəyəm. Mən həm də sərt diplomatik siyasət yürüdəcəyəm ki, İran nüvə silahı istehsalını dayandırsın və Rusiya təcavüzünün qarşısı alınsın". Obama bildirib ki, prezident seçiləcəyi halda ölkə əhalisinin həyat səviyyəsinin daha da yüksəlməsi və milli təhlükəsizliyin daha da güclənməsinə çalışacaq. Xarici siyasətə gəlincə isə Barak Obama sərt diplomatik siyasət yürütməyə söz verib. O bəyan edib ki, Vaşinqtonun yanlış siyasətini düzəltməyə hazırdır: "İndi ölkəmiz üçün həlledici anlardan biridir - iqtisadiyyat böhran vəziyyətindədir, ölkə müharibə aparır və ABŞ-ın gələcəyi təhlükə altındadır. Amerikalıların böyük əksəriyyəti işdən məhrum olublar, özlərinin ipoteka və gündəlik tələbat kreditlərini ödəmək imkanına malik deyillər. Bu problemlər hökumət tərəfindən yaradılmayıb, amma Vaşinqtonun düzgün olmayan siyasətinin nəticəsidir". Barak Obama rəqibi Con Makkeynin sadə amerikalıların maraqlarını ifadə etmədiyini bildirib: "Ona görə yox ki, Makkeyni bu problemlər düşündürmür, ona görə ki, o bu problemləri anlamaq iqtidarında deyil". Barak Obama Rusiyanın Gürcüstana təcavüzünü dayandırmaq üçün sərt və birbaşa diplomatiya yürüdəcəklərini bildirib: "Mən Silahlı Qüvvələri gücləndirəcəyəm ki, gələcək münaqişələrə hazır olaq. Eyni zamanda sərt və birbaşa diplomatiya yürüdərək İranın nüvə silahına malik olmasının qarşısını almaq və Rusiyanın təcavüzünü dayandırmaq niyyətindəyəm". kaspi

SEÇİLMİŞ XƏBƏRLƏR

Çox oxunanlar