"Türk ordusunun və Türk ulusunun əbədi baş komandanı, lideri Mustafa Kamal Atatürkdür" İlkər Başbuğ: "Onun yaratdığı Atatürkçü düşüncə sisteminin işığı hər zaman yolumuzu aydınladacaq" Avqustun 29-da Türkiyə Silahlı Qüvvələrinin Baş Qərargah rəisi Yaşar Böyükanıt postunu rəsmi şəkildə ordu generalı, Quru Qoşunları komandanı, Baş Qərargah rəisinin birinci müavini İlkər Başbuğa təhvil verib. Təhvil-təslim mərasimində çıxış edən Baş Qərargah rəisi Yaşar Böyükanıt bu vəzifədə oldduğu müddətdə terrorla mübarizə, TSQ-nin modernləşməsi, hərbi təhsil-təlim sahəsində fəaliyyətin genişləndiyini vurğulayıb. Ordu generalı TSQ-nin "Atatürkçü düşüncə sisteminin özündə yer alan "inqilabçılıq" prinsipinin təkanıyla irəliyə yürüməyə çalışdığını söyləyib. Göytürk "Əks halda, dəyişikləri zamanında mənimsəyə bilməyən ölkə və qurumlar özlərini yalnız iradələrindən kənarda olan bir rolun aktyoru kimi görürlər". Ordu generalı Yaşar Böyükanıt 1951-ci ildə Konqresdə vida çıxışı edən amerikalı general general Dauglas Macarthurdan sitat gətirib: "Keçmiş əsgərlər əsla ölməz, yalnız gözdən qeyb olurlar. Mən də hərbi karyeramınnı sonuna qədər gələn biri olaraq yalnız gözdən qeyb oluram. Ancaq qəlbim həmişə onlarla bərabər olacaq". Qeyd edək ki, Türkiyə Silahlı Qüvvələrinin yeni Baş Qərargah rəisi İlkər Başbuğ həm ölkə daxilində, həm də xaricdə güclü şəxsiyyət, bacarıqlı hərbçi, dünyəvi quruluş tərəfdarı kimi dəyərləndirilir. O, 1943-cü ildə Afyonqarahisarda anadan olub. Ordu generalı İlkər Başbuğ Türkiyə Silahlı Qüvvələri Baş Qərargahının sayca 26-cı rəisidir. Türkiyə Quru Qoşunları Hərbi Akademiyasını bitirən İlkər Başbuğ İngiltərə Kral Hərbi Akademiyasında və NATO Müdafiə Kollecində təhsil alıb. Türkiyə ordusunda ən müxtəlif vəzifələrdə çalışmış yeni baş qərargah rəisi Türkiyə Milli Təhlükəsizlik Şurasının katibi də olub. Ali Hərbi Şuranın qərarı ilə 2008- ci il avqustun 4-də Türkiyə Silahlı Qüvvələri Baş Qərargahının rəisi seçilib. Onun iki övladı var. Təhvil-təslim prosesindən sonra çıxış edən yeni baş qərargah rəisi Türkiyənin unitar dövlət quruluşu, dini təriqətlər, demokratiya, Avropa Birliyi və ABŞ-la münasibətlər mövzusunda bəzi bəyanatlar verib. İlkər Başbuğ təhvil- təslim mərasimindəki çıxışında Türkiyə cəmiyyətinin bir hissəsinin dini düşüncələrə söykənən bir yaşam tərzi formalaşdırdığını, bunun narahatçılıq yaratdığını açıqlayıb: "Bu əndişə ciddiyə alınmalıdır". Başbuğ Fethullah Gülən başda olmaqla bəzi qrupları nəzərdə tutaraq sosial dbvlətin zəifləməsinin camaatlaşma tendensiyasını gücləndirildiyinə diqqəti çəkib. İlkər Başbuğun digər çağırışlarını aşağıdakı kimi ümumiləşdirmək olar: "Türkiyə Cümhuriyyətinin quruluş fəlsəfəsi milli dövlət, unitar dövlət, dünyəvi dövlət təməlinə söykənir. Türkiyə Silahlı Qüvvələri Mustafa Kamalın yaratdığı cümhuriyyətin quruluş fəlsfəsinin yerinə yetirilməsinə və qorunmasına hər zaman hazırdır, tərəfdardır". Onun sözlərinə görə, bu gün qloballaşmanın bəzi baş aktyorları da bu prosesin mənfi təsirlərinə müqavimət göstərmək üçün öz milli quruluşlarını qorumağa gücləndirməyə çalışmaqdadır: "Bu vəziyyətin ABŞ-da və Avropa Birliyinə üzv ölkələrdə də yaşandığını görməmək mümkün deyil. Önəmli düşüncə sahiblərindən olan Habermasın "Uluslar üstü quruluşların yaratdığı səhnədə və qlobal oyunçular arasında milli dövlətlər hələ ən önəmli oyunçulardır" ifadəsi bu fikri təsdiqləyir. Qloballaşmaya qarşı çıxmaq kerçəkçi deyil. Önəmli olan milli dövlətə zərər vermədən qloballaşmanın içində yer almaqdır. ABŞ bunu ən yaxşı şəkildə yerinə yetirir. "Qlobal düşün, milli hərəkət et" düşüncəsi önəmlidir". İlkər Başbuğ vurğulayıb ki, bəzi toplumlar etnik kimliklərinin Anayasal güvəncəyə qovuşdurulmasını tez-tez dilə kətirirlər. Bu yanaşma ulus dövlət quruluşunu hədəfə götürür. Mədəni sahədəki düzənləmələr hər hansı bir şəkildə siyasi sahəyə götürülürsə, alt kimliklər üst kimliyə çevrilməyə çalışılırsa, bu məsələlər ölkə gündəminə davamlı gətirilirsə, qorxuruq ki, ölkə qütbləşməyə, ayrı-seçkiliyə sürüklənə bilər. Milli dövlət quruluşunu zəiflətməyə çalışmaq və müzakirə etmək Türkiyənin ölkəsi, ulusu ilə bütövlüyünü istəməmək deməkdir. Hər mövzunu müzakirə etmək azadlığı dövlətlərin varlığını risqə sürükləyəcək mövzuları əhatə etmir. İntellektual müzakirələrin aparılması dövləti ayaqda tutan ünsürlərin müzakirəyə açlması anlamına gələ bilməz. Bu həssas balansı qorumaq siyasətçilərin borcudur". Yeni Baş Qərargah rəisi söyləyib: "Dünyəvilik prinsipi Türkiyə Cümhuriyyətinin quruluş fəlsəfəsinin təməl dirəklərindən biri olub, cümhuriyyəti təşkil edən bütün dəyərlərin təməl daşıdır. Dünyəviliyin tanıtımı Konstitusiyanın 24 və 174-cü maddələrində əks olunub. Anayasa Məhkəməsi Konstitusiyaya şərh verməyə yetkisi olan vaz keçilməz qaynaqdır. Türkiyə Silahlı Qüvvələrinin dünyəviliklə bağlı mövqeyi Anayasanın 24-cü maddəsində ifadə edilib. Həmin hökmlərə hər kəsin əməl etməsi, dinin və dini duyğuların, dinin müqəddəs saydığı şeylərin istismar edilməməsi vacibdir". Onun sözlərinə görə Türkiyə Silahlı Qüvvələri demoqratiya və demokratik dəyərlərə sayğılıdır: "Dünyəvilik prinsipinin demokratiya ilə toqquşduğunu iddia etmək sağlam təmələ dayanmır. Əksinə, dünyəvi quruluş Türk demokratiyasının inkişafında təkan olub. Professor John Espositonun ifadə etdiyi kimi "demokratiyanın hədsiz populyar məqsədlərə yönləndirilməsi dünyəvi quruluşun əleyhinə nəticələr ortaya çıxara bilər". Ordu generalının sözlərinə görə, sosial dövlət ünsürlərinin zəifləməsi cəmiyyətləri camaatlaşmalara itələyən bir həqiqətdir. Bu mərhələdə gedərək güclənən bəzi camaatlar sosio-siyasi yaşamı müəyyənləşdirməyə, iqtisadiyyatı yönləndirməyə, dinə bağlı bir yaşam olaraq sosial kimliklərini ortaya qoymağa çalışmaqdadırlar. Ancaq sosial gerçəklik doğru analiz edildikdə bu formalaşmaya qarşı alınacaq tədbirlər uğurlu ola bilər". ABŞ ilə Türkiyə Silahlı Qüvvələri arasında işbirliyinin yüksək səviyyədə olduğunu deyən İlkər Başbuğ Avropa Birliyinin Türkiyə ilə bərabər səviyyədə davaranmasını vacib sayıb: "TSQ üçün Avropa Birliyinə üzvlük Atatürkün amacladığı müasir inkişafa çatmada önəmli bir vasitə anlamını daşıyır. Bu mərhələdə AB-dən gözlədiyimiz Türkiyədən milli dövlət və unitar dövlət quruluşunu zəiflədə biləcək istəklərdə bulunmamasıdır. Türkiyənin tam üzvlüyünü qəbul etməyən Avropa Birliyinin xüsusən Orta Şərqə və Qafqazlara təsiri Balkanlarda bitir. Türkiyə bölgədəki ən güclü demokratik, dünyəvi rejimə sahib tək ölkədir". Ordu generalı söyləyib: "Türk ordusunun və Türk ulusunun əbədi baş komandanı və lideri Mustafa Kamal Atatürkdür. Onun yaratdığı Atatürkçü düşüncə sisteminin işığı hər zaman yolumuzu aydınladacaqdır". Dünən Baş Qərargahda görəvini ordu generalı İlkər Başbuğa devr edən ordu generalı Yaşar Böyükanıt qərargahı nəvələrini qucağına alaraq vidalaşıb, qərargahdan ayrılırkən isə qəzetçilərə "Ordu generalı idik, indi hürr general olduq" söyləyib. Maraqlıdır ki, CHP sədri Dəniz Baykal bir dəqiqə gecikdiyinə görə, Baş Qərargahdakı devir-təslim mərasiminə buraxılmayıb. xalqcebhesi