Contact Us

SON XƏBƏRLƏR

Türkiyə və Rusiya arasında ticarət böhranı

2021.10.20, 07:36
Türkiyə və Rusiya arasında ticarət böhranı

Gunaz.tv
Türkiyə və Rusiya arasında ticarət böhranı rus-turk-tic-boh1.jpg Ankara Moskvanın iqtisadi sanksiyalarına adekvat cavab verməyə hazırlaşır. Rusiyanın Türkiyəyə qarşı tətbiq etdiyi qeyri-qanuni iqtisadi sanksiyalar iki ölkə arasında böhranın dərinləşməsinə səbəb olub. “Milliyet” qəzetinin verdiyi məlumata görə, Turkiyənin dövlət naziri Kürşad Tüzmen sentyabrın 1-dən etibarən Rusiyaya əks-tədbir paketinin tətbiqinə başlanılacağını bildirib. İraq planlaşdırmaı və inkişaf naziri Əli Babanla görüşən Tüzmen Rusiya ilə ticarətdə ciddi problemlər yaşandığını qeyd edib. O, Rusiyanın gömrük qapılarında heç bir səbəb olmadan Türkiyə TİR-lərinə əngəl yaradıldığını, bu əngəllərin Ümumdünya Ticarət Təşkilatının qəbul etdiyi qaydalara zidd olduğunu vurğulayıb: “Bu tip davranışla qarşılaşdığımız üçün biz də öz tədbirlər paketimizi tətbiq edəcəyik. Bazar ertəsindən etibarən bunu görəcəksiniz”. Dövlət naziri Rusiya ilə daha yaxşı əlaqələr qurmaq istədiklərini və iki ölkə arasında qarşılıqlı bağlılıqlar olduğunu qeyd edib. O, təkcə Türkiyənin Rusiyadan deyil, Rusiyanın da Türkiyədən asılı olduğunu xatırladıb: “Türkiyə Rusiyanın ixracatında 5-ci böyük ölkədir. Türkiyə neftin 40, təbii qazın isə 60 faizini Rusiyadan alır. Amma ixrac bazarı və tranzit ölkə kimi Rusiya da bizdən asılıdır. Beynəlxalq qanunlar çərçivəsində Rusiyanın bizə qarşı atdıqları addımları biz də onlara qarşı atacağıq. Türk mallarına tətbiq edilənləri biz də rus mallarına tətbiq edəcəyik”. /Lentaz/

SEÇİLMİŞ XƏBƏRLƏR

Çox oxunanlar