Contact Us

SON XƏBƏRLƏR

Riçard Luqar: “Nabucco” layihəsinə təhlükə yaranıb”

2021.10.20, 07:36
Riçard Luqar: “Nabucco” layihəsinə təhlükə yaranıb”

Gunaz.tv
Riçard Luqar: “Nabucco” layihəsinə təhlükə yaranıb” ricardluqar.jpg Rusiya Avropanın vahid qaz siyasətinə zərbə vura bildiyi üçün “Nabucco” beynəlxalq qaz kəməri layihəsinin reallaşmasında problemlər yaranıb”. APA-nın məlumatına görə, bu bəyanatla ABŞ Senatının xarici əlaqələr komitəsinin sədr müavini Riçard Luqar çıxış edib. O, Rusiyanın “Nabucco” layihəsinə alternativlər təklif etdiyini, bu səbəbdən Avropa dövlətlərində layihə ilə bağlı fikir ayrılığının yarandığını vurğulayıb. Qeyd edək ki, “Nabucco” layihəsi Mərkəzi Asiya qazının Azərbaycan və Türkiyədən keçməklə Bolqarıstan, Rumıniya, Macarıstan və Avstriyaya nəqlini nəzərdə tutur. Luqar bildirib ki, tərəddüd edən Avropa dövlətlərinin liderlərini alternativ kəmərlərin üstün cəhətlərinin mövcudluğuna inandırmaq lazımdır: “Onlar başa düşməlidir ki, alternativ mənbələr onların uzunmüddətli təhlükəsizlik maraqlarına cavab verir. “Nabucco” layihəsinin iflasa uğraması Avropanın təhlükəsizlik sisteminə ağır zərbə vuracaq və transatlantik cəmiyyətin vahidliyini təhlükə altına salacaq”. Luqar qeyd edib ki, Gürcüstanda baş verən hadisələrə Avropanın Rusiya qazından asılılığı məsələsindən kənarda baxmaq düzgün deyil. “Gürcüstandakı münaqişə Avropa liderlərini öz təhlükəsizliyinin təminatı üçün daha təsirli tədbirlər görməyə vadar etməlidir”. Riçard Luqar həmin ölkələrə “Qazprom”un son bir neçə ildə altı ölkəyə qaz nəqlini dayandırdığını xatırladıb: “Bu addımlar Rusiyanın öz inhisarçı mövqeyindən siyasi maraqları üçün hər an yararlana biləcəyini göstərir”. LENT.AZ

SEÇİLMİŞ XƏBƏRLƏR

Çox oxunanlar