Ukrayna Rusiyanın “qara siyahı”sına düşmək istəmir

SON XƏBƏRLƏR

Ukrayna Rusiyanın “qara siyahı”sına düşmək istəmir

2021.10.20, 07:36

Gunaz.tv

Ukrayna Rusiyanın “qara siyahı”sına düşmək istəmir

Viktor Yuşşenko: «Ukrayna ondan asılı olan hər şeyi edəcək ki, Kremlin siyahısında növbəti qurban olmasın» Ukrayna Rusiyadan müdafiə olunmaq üçün müdafiə büdcəsini artırmaq niyyətindədir. Bu barədə Times qəzetinə müsahibəsində Ukrayna prezidenti Viktor Yuşşenko bildirib. Ukrayna ondan asılı olan hər şeyi edəcək ki, Kremlin siyahısında növbəti qurban olmasın, deyə Yuşşenko qeyd edib. Ukrayna liderinin narahatlığına, onun öz etirafına görə, “rus qoşunlarının Gürcüstana soxulması” səbəb olub. “Avropa tarixində ”soyuq müharibə"dən sonra ilk dəfə ordu beynəlxalq sanksiya olmadan suveren ölkənin ərazisinə soxulur", deyə Times Yuşşenkodan sitat gətirib. Kiyev Rusiyadan yalnız öz hərbi büdcəsini artırmaqla müdafiə olunmaq fikrində deyil. Britaniya qəzetinə müsahibəsində Ukrayna prezidenti bir neçə dəfə qeyd edib ki, “NATO artıq mümkün qədər tez Şərqə doğru genişlənməli” və Şərq ölkələrini alyansa qəbul etməlidir. Yuşşenko onun neytral mövqe tutmalı olduğunu hesab edən qüvvələrə qiyabi cavab verib. Dövlət başçısının sözlərinə görə, neytrallıq çox baha başa gələ bilər. Rusiya kimi qonşu ilə bütün Avropanın sülh və təhlükəsizliyi təhlükə altındadır, Yuşşenko belə hesab edir. Bu arada, Times Yuşşenkonun ehtiyatlı olduğunu və Rusiya baş naziri Vladimir Putini tənqid etmədiyini yazır. Ukraynanın müdafiə naziri Yuri Yexanurov hesab edir ki, Ukrayna gürcü münaqişəsindən müəyyən nəticələr çıxarmalıdır. Onun sözlərinə görə, Ukraynanı Gürcüstan münaqişəsinə cəlb etmək istəməyiblər. “Təxribat xarakterli bəyanatlardan başqa heç nə olmayıb”, deyə müdafiə naziri bildirib. Yexanurov qeyd edib ki, Qafqazda hərbi əməliyyatlar göstərib ki, “biz dünyada təkik”. “Ikincisi, Qafqazda heç kim beynəlxalq qaydalara baxmayıb, istədikləri kimi hərəkət ediblər, hər kəs özü üçün qanun yazıb. Bu o deməkdir ki, biz hər dəqiqə, hər an ölkəmizi qorumağa hazır olmalıyıq", deyə o qeyd edib. azadliq

GUNAZ.TV

SON XƏBƏRLƏR