OBAMA AMERİKANIN XARİCİ SİYASƏTİNİ DƏYİŞƏCƏK

SON XƏBƏRLƏR

OBAMA AMERİKANIN XARİCİ SİYASƏTİNİ DƏYİŞƏCƏK

2021.10.20, 07:36

Gunaz.tv

OBAMA AMERİKANIN XARİCİ SİYASƏTİNİ DƏYİŞƏCƏK “Biz daha 4 il böyük neft üzərində qurulmuş və iflasa uğrayan siyasətə yol verə bilmərik”

ABŞ-da prezidentliyə demokrat namizəd Barak Obama vitse-prezidentliyə namizədinin adını açıqlayıb. Əvvəlcədən mətbuata sızdırıldığı kimi, onun vitse-prezidentliyə namizədi Senatın Xarici Əlaqələr Komitəsinin rəhbəri Cozef Baydendir. Demokratlar partiyasının seçki qərargahı dünən Baydenin adını sms-lər vasitəsilə seçicilərə göndərərək siyasi texnologiyalarda yenilik edib. Obamanın vitse-prezidentliyə namizədinin kim olduğunu öyrənmək istəyənlər əvvəlcədən onun seçki qərargahının internet saytında öz telefon nömrələrini qeydiyyatdan keçiriblər. Prezidentliyə namizəd mətbuatdan əvvəl sms-lə seçicilərin bu haqda məlumatlandırılacağına vəd versə də, bir gün əvvəl vitse-prezidentliyə namizədin kim olduğu üzə çıxıb. Bununla belə, seçki texnoloqları hesab edirlər ki, Obamanın qərargahı milyonlarla seçicinin telefon nömrələrindən ibarət məlumat bazasına malik olmaqla bundan təbliğat kampaniyasında yaxşı istifadə edə bilər. Dünən İllinoys ştatında Obama Baydenlə birlikdə seçicilərin qarşısına çıxıb. Obama seçicilər qarşısında çıxışı zamanı bildirib ki, Ağ Evə bir daha respublikaçı namizədin seçilməsinə yol vermək olmaz. Onun sözlərinə görə, Con Makkeynin prezident seçilməsi o demək olacaq ki, Amerikanın prezidenti Buş və vitse-prezident Dik Çeyni tərəfindən neft üzərində qurulan və iflasa uğrayan, ölkəni beynəlxalq aləmdə nüfuzdan salan xarici siyasəti daha dörd il qalacaq. Obamanın fikrincə, hakimiyyətdəki respublikaçı komandanın siyasəti ölkə daxilində iqtisadi böhrana, beynəlxalq aləmdə isə Amerikanın nüfuzdan düşməsinə səbəb olub. Obama Baydeni seçicilərə təqdim edərək deyib ki, o əla vitse-prezident olacaq. Prezidentliyə namizəd Baydenin natiqlik qabiliyyətindən, siyasi rəqibləri ilə qətiyyətli mübarizə aparmaq məharətindən və başqa üstünlüklərindən danışıb. O, vitse-prezident Çeyninin adını çəkməsə də ona işarə edərək deyib ki, Bayden fərqli siyasətçidir və bəzilərindən fəqli olaraq energetik üzrə gizli işçi qrupu yaratmayacaq, böyük neft biznesindən uzaqda duracaq. Obama deyib ki, Con Makkeyn Buşun siyasətini 95 faiz dəstəkləyir, ona görə də onun prezident seçilməsinə yol vermək olmaz: “O, Amerikanı dəyişə bilməz, Makkeynin prezidetliyinin dörd ili Buşun prezidentliyinin səkkiz ilindən fərqlənməyəcək”. Şərhçilərə görə, Obamanın Baydeni vitse-prezidentliyə namizəd göstərməsi uğurlu seçimdir. Xüsusən o baxımdan ki, demokrat namizədin xarici siyasətdə təcrübəsi yoxdur. Lakin Baydenin natiqlik qabiliyyəti haqda deyilənlər bir qədər şübhə doğurub. Çünki Bayden prezident seçkilərində namizədliyini iki dəfə irəli sürüb və hər dəfə plagiatlıqda ittiham olunub. F.MƏMMƏDOV musavat

GUNAZ.TV

SON XƏBƏRLƏR