Contact Us

SON XƏBƏRLƏR

Riçard Holbruk: “Azərbaycan Rusiyanın növbəti hədəfi olacaq”

2021.10.20, 07:36
Riçard Holbruk: “Azərbaycan Rusiyanın növbəti hədəfi olacaq”

Gunaz.tv
Riçard Holbruk: “Azərbaycan Rusiyanın növbəti hədəfi olacaq” richardholbruk.jpg Diplomat Moskvanın əsas məqsədinə çata bilmədiyini qeyd edir ABŞ-ın BMT-dəki keçmiş səfiri Riçard Holbruk Rusiyanın bundan sonra digər keçmiş sovet respublikalarını, ilk növbədə Ukrayna və Azərbaycanı hədəf götürəcəyini bildirib. Lent.az-ın “The Washington Post” qəzetinə istinadən verdiyi məlumata görə, diplomat Rusiyanın əsas məqsədinə çata bilmədiyini vurğulayıb. Holbruk məqaləsində qeyd edib ki, Rusiya Cənubi Osetiya və Abxaziya üzərində nəzarətini gücləndirib: “Moskva Gürcüstan ordusunu dadrmadağın edib, iqtisadiyyatı dağıdıb və qərb alyansında parçalanma yaradıb. Amma əsas məqsədinə çata bilməyib. Rusiya üç il ərzində Saakaşvilini hakimiyyətdən devirmək üçün bütün vasitələri işə salıb – ölkə daxilində qiyam qaldırmağa cəhd edib, Gürcüstanı iqtisadi blokadaya alıb, qiyamçı ərazilərdə hərbi qüvvəsini artırıb və nəhayət müharibəyə başlayıb. Amma Saakaşvili hakimiyyətdə qalmaqda davam edir”. Holbrukun fikrincə, Rusiyanın Gürcüstana müdaxiləsi strateji landşaftı dəyişdirəcək və bu məsələ ilə növbəti ABŞ prezidenti məşğul olmalı olacaq: “Qərb hazırda vacib bir məsələni həll etməlidir: hazırkı Gürcüstan hakimiyyətini möhkəmləndirməlidir. Formul sadədir – Mixail Saakaşvili hakimiyyətdə qalsa, Vladimir Putin məğlub olacaq. Çox güman ki, Rusiya Saakaşvilini güc yolu ilə devirmək şansını əldən buraxıb. Amma daha hiyləgər və dəhşətli planları da istisna etmək olmaz”. Diplomat qeyd edir ki, Rusiyaya keçmiş SSRİ respublikalarına güc işlətdiyinə görə cəzasız qalmayacağını anlatmaq lazımdır: “Bu, xüsusilə də Ukrayna və Azərbaycan üçün vacibdir. Çünki böyük ehtimalla onlar Moskvanın növbəti hədəfinə çevriləcəklər”. LENT.AZ

SEÇİLMİŞ XƏBƏRLƏR

Çox oxunanlar