Contact Us

SON XƏBƏRLƏR

DÜNYA DÖVLƏTLƏRİ ABXAZİYANIN MÜSTƏQİLLİYİNİ TANIMAYACAQ_Vəfa Quluzadə: “Bu, Rusiyanın ortaya atdığı növbəti oyunlardan biridir”

2021.10.20, 07:36
DÜNYA DÖVLƏTLƏRİ ABXAZİYANIN MÜSTƏQİLLİYİNİ TANIMAYACAQ_Vəfa Quluzadə: “Bu, Rusiyanın ortaya atdığı növbəti oyunlardan biridir”

Gunaz.tv
“DÜNYA DÖVLƏTLƏRİ ABXAZİYANIN MÜSTƏQİLLİYİNİ TANIMAYACAQ” Vəfa Quluzadə: “Bu, Rusiyanın ortaya atdığı növbəti oyunlardan biridir” 27.jpg Avqustun 20-də Abxaziya parlamentinin toplantısı keçirilib. Separatçı qurumun “prezidenti” Sergey Baqapş Abxaziyanın müstəqilliyinin tanınması ilə bağlı Rusiyaya və dünya xalqlarına və parlamentlərinə müraciət ünvanlayıb. Məlum olduğu kimi, Rusiya Qafqaza nəzarətini itirməmək üçün Gürcüstan ərazisindəki Abxaziya və Osetiyadakı qondarma və separatçı rejimi dəstəkləməkdə davam edir. Bir sıra ekspertlərin rəyincə, Rusiyanın Abxaziyanın müstəqilliyini tanıması real görünür. Xatırladaq ki, bir müddət əvvəl Kosovonun müstəqilliyi məsələsi gündəmə gələndə rəsmi Moskva məsələyə mənfi reaksiya bildirmişdi. O zaman Rusiya Serbiya ilə həmrəylik nümayiş etdirərək Kosovonun müstəqilliyini tanımamaqda dirəniş göstərdi. Kosovonun müstəqilliyini Azərbaycan da rəsmi şəkildə tanımır. Amma BMT-nin verdiyi qərar həlledici oldu və Kosovonun müstəqilliyi məsələsi həll edildi. Qafqazda vəziyyətin mürəkkəb xarakter aldığı şəraitdə Abxaziyanın müstəqilliyi məsələsinin ortaya çıxması narahatçılıq yaratmaya bilməz. Dünya dövlətlərinin məsələyə nə cür münasibət göstərəcəyi isə maraq doğurur. Lakin politoloq Vəfa Quluzadə dünya dövlətlərinin Abxaziyanın müstəqilliyini tanımayacağını deyir. Onun sözlərinə görə, Abxaziyanın müstəqilliyi məsələsi Rusiyanın ortaya atdığı növbəti oyunlardan biridir: “Bütün dünya Abxaziyanı Rusiya tərəfindən işğal olunmuş ərazi kimi tanıyır. Abxaziyanın müstəqilliyinin tanınması heç bir dövlətin ağlına belə gəlmir. Rusiya bu məsələ ilə hədə-qorxu gəlmək istəyir. Onun hədəsinin bir qəpiklik dəyəri yoxdur. Moskvanın Abxaziyanın müstəqilliyini tanıması onun üçün hansısa bir dəyişiklik yaratmayacaq. Gürcüstan tam azad olacaq. Rusiya imperiyanın qalığı kimi çökəcək. Amma imperiyalar çökənə qədər çoxlu fəsadlar törədirlər”. Abxaziyanın müstəqilliyinin tanınacağı təqdirdə bunun Azərbaycana təsirsiz ötüşüb-ötüşməyəcəyinə gəlincə politoloq ölkəmizin baş verəcək fəsadlardan sığortalanmadığını bildirdi: “Gürcüstan olaylarından əvvəl Azərbaycanın başına fəsad gələsiydi. Amma görünür, Rusiya Saakaşviliyə daha çox nifrət edirmiş”. Leyla İLQAR musavat

SEÇİLMİŞ XƏBƏRLƏR

Çox oxunanlar