NATO Rusiyaya: Münasibətlər əvvəlki kimi qala bilməz

SON XƏBƏRLƏR

NATO Rusiyaya: Münasibətlər əvvəlki kimi qala bilməz

2021.10.20, 07:36

Gunaz.tv

NATO Rusiyaya: Münasibətlər əvvəlki kimi qala bilməz

NATO Rusiyanı onunla əlaqələrini kəsəcəyi ilə hədələyir. Bu, NATO ölkələri xarici işlər nazirlərinin Brüsseldə keçirilən təcili görüşündə dilə gətirilib. Təşkilat bildirir ki, Rusiya qoşunları Gürcüstan ərazisindən tamamilə çıxmayınca Moskva ilə müntəzəm münasibətlərdən söhbət gedə bilməz və Rusiyanın münaqişə zonasında hərəkətləri ciddi qiymətləndirməyə məruz qalacaqdır. NATO bildirib ki, innən belə Moskva ilə münasibətlər sanki heç nə baş verməyibmiş kimi davam etdirilə bilməz. Bu barədə bəyanat NATO-ya üzv 26 ölkənin nazirləri tərəfindən imzalanıb. Alyans üzvləri bundan başqa birgə NATO-Gürcüstan forumunun məqsədəuyğunluğu barədə yekdil qərara gəliblər. NATO-nun baş katibi Yap de Hup Skeffer bildirib ki, bu forum eynilə Ukrayna-NATO forumu formatında fəaliyyət göstərəcək. Lakin baş katib əlavə edib ki, bu forumun yaradılması Gürcüstanın qeyd şərtsiz olaraq Şimal Alyansına üzvlüyünü şərtləndirmir. NATO-nun baş katibi qoşunların çıxarılacağı barədə vədini Rusiya nümayəndələrinə xatırladıb. NATO-nun bu yığıncağı ərəfəsində Vaşinqton üzv ölkələri heç olmasa nazirlər səviyyəsində Rusiya ilə münasibətləri dayandırmağa çağırmışdı. Lakin Britaniya başda olmaqla bir sıra ölkələr bunun əks-nəticə verə biləcəyini söyləyiblər. Britaniyanın xarici işlər naziri Deyvid Milibənd deyib ki, lazım gələrsə Böyük Səkkizlər, Böyük Yeddilər kimi də fəaliyyət göstərə bilər, lakin Rusiyanın təcrid edilməsi yaxşı heç nə vəd etmir. Bununla belə Britaniya naziri bildirib ki, NATO-nun Gürcüstana dəstəyini bildirmək üçün Tbilisiyə yollanır. Bir sıra təhlilçilər Rusiya-Gürcüstan münaqişəsinin Gürcüstanın NATO üzvlüyünə şanslarını artırdılğını söyləyirlər. Lakin Amerikanın dövlət katibi Kondoliza Rays bildirib ki, bu ilin dekabrına təyin olunmuş növbəti mərhələ irəli çəkilməyəcək. Moskva NATO-nun hədələrinə cavab verdi NATO-nun sammitində səslənən tənqidlərə ilk olaraq Rusiyanın xarici işlər naziri Sergey Lavrov reaksiya verib. O NATO xarici işlər nazirlərinin təcili müşavirəsində razılaşdırılmış sənədi qərəzli və qeyri-obyektiv adlandırıb. O deyib ki, NATO, onun təbirincə desək, “Mixeil Saakaşvilinin cinayətkar rejimini” xilas etməyə çalışır. Rusiya hərbi dəniz donanması Baltik dənizində NATO ilə birgə keçiriləcək manevrlərdə iştirakdan artıq imtina etdiyini bildirib. Cənab Lavrov Rusiya qoşunlarının Gürcüstandan çıxarılması məsələsinə də toxunub. O deyib ki, qoşunların çıxarılması 3-4 günə başa çata bilər, lakin hər şey Gürcüstan tərəfinin atəşkəs şərtlərinə əməl etməsi ilə bağlı olacaq. bbc

GUNAZ.TV

SON XƏBƏRLƏR