MDB YÜZ FAİZ DAĞILACAQ_Rasim Musabəyov: “Onu sadəcə, Leninin mumiyası kimi saxlayırlar”

SON XƏBƏRLƏR

MDB YÜZ FAİZ DAĞILACAQ_Rasim Musabəyov: “Onu sadəcə, Leninin mumiyası kimi saxlayırlar”

2021.10.20, 07:36

Gunaz.tv

“MDB YÜZ FAİZ DAĞILACAQ” Rasim Musabəyov: “Onu sadəcə, Leninin mumiyası kimi saxlayırlar”

1991-ci ildə keçmiş SSRİ məkanına daxil olan dövlətlərin iştirakı ilə təsis edilmiş Müstəqil Dövlətlər Birliyi (MDB) dağılmaq təhlükəsilə üzləşib. Rusiyanın Gürcüstana hərbi müdaxiləsi ikincinin qurumdan çıxması zərurətini doğurdu. Qeyd edək ki, MDB-nin Əsasnaməsində təşkilata üzv ölkələrin bir-birinin ərazi bütövlüyünə hörmətlə yanaşması tələbi yer alıb. Ermənistanın Azərbaycana təcavaüz faktı bir qırağa, Rusiyanın özü də Gürcüstanın ərazi bütövlüyünə qəsd etməklə qurumun varlığını data da mənasız edib. Rusiyanın işğalçılıq siyasətini pisləyən Ukrayna da Gürcüstanın ardınca MDB-dən çıxmaq barədə düşünür. Məsələnin yay tətilindən sonra Ukrayna Ali Radasında müzakirəyə çıxarılacağı gözlənilir. Ümumiyyətlə isə GUAM-a üzv dövlətlərin MDB-ni tərk edəcəyi barədə davamlı mülahizələr səslənir. Məsələnin aktuallığını nəzərə politoloqlar müraxiət etdik. Sabiq dövlət müşaviri Vəfa Quluzadə Ukraynanın da MDB-dən çıxmasının real olduğunu düşünür: “Əgər Ukrayna prezidenti belə bir fikir bəyan edibsə, demək, məsələ ciddidir. MDB-nin hazırkı vəziyyəti onu göstərir ki, quruma daxil olan dövlətlərin ittifaqı yoxdur. Bu dəqiqə MDB-nin dörd ölkəsi müharibə vəziyyətindədir. Qurumun sədri Rusiya isə onun sıravi üzvü Gürcüstana hücum edib. MDB tamamilə neqativ bir təşkilatdır. NATO-ya üzv olan dövlətlər müharibə şəraitində yaşamır. Həmin dövlətlər sülh və əməkdaşlıq içində fəaliyyət göstərirlər. MDB-də isə hamı bir-birilə müharibə aparır. Bunun da başında Rusiya durur. MDB-nin nə bugünü, nə də gələcəyi var”. V.Quluzadə MDB-nin dağılacağına əmin olduğunu bildirdi: “Bu qurum yüz faiz dağılacaq. Qafqazda baş verən proseslər bir daha Rusiyanın öz mahiyyətini dəyişmədiyini sübut etdi. Rusiya genişlənməyə meyilli olan imperiyadır. O, Amerikanın düşmənidir və MDB yüz faiz dağılacaq”. Politoloq Rasim Musabəyov öncə Ukraynanın MDB-nin tamhüquqlu üzvü omadığını bildirdi: “Rusiya və Ukrayna MDB-nin nizamnaməsini ratifikasiya etməmişdi. Bu səbəbdən Ukraynanın MDB-dən çıxması üçün parlamentin qərarına ehtiyac yoxdur. Dövlət başçısının sərəncamı ilə Ukraynanın MDB-də üzvlüyündən imtina etmək olar və bu qərar siyasi qərar olacaq”. Politoloq MDB-nin ölü qurum olduğunu söylədi: “Sadəcə, onu da Leninin mumiyası kimi saxlayıblar. Bu qurumun heç bir dövlət üçün faydası yoxdur. MDB son beş ildə keçirdiyi toplantıların heç birində cüzi bir qərar belə qəbul etmək iqtidarında olmayıb. MDB-nin gələcəyi ilə bağlı razılaşdırılmış strategiya qəbul edə bilmirlər. İnanmıram ki, bundan sonra bir şey etmək mümkün olsun. Azərbaycanın MDB-də qalıb-qalmamasına gəlincə, mənə elə gəlir ki, süni şəkildə Rusiyanı özümüzə qarşı qoymağa ehtiyac yoxdur. Yəni qurumun üzvü olmaq Azərbaycanın digər dövlət və beynəlxalq qurumlarla münasibətləri möhkəmləndirməsi istiqamətində maneə yaratmırsa, tələsik qərar vermək zərurəti görmürəm. Onsuz da Azərbaycan MDB-də qəbul edilən qərarlara qoşulmur. Qoşulanda da elə əlavə təkliflərlə çıxış edir ki, qoşulmamağı ondan yaxşıdır”. Leyla İLQAR musavat

GUNAZ.TV

SON XƏBƏRLƏR