Contact Us

SON XƏBƏRLƏR

MƏSCİDDƏ TERROR AZƏRBAYCANDA GÖRÜNMƏMİŞ HADİSƏDİR

2021.10.20, 07:36
MƏSCİDDƏ TERROR AZƏRBAYCANDA GÖRÜNMƏMİŞ HADİSƏDİR

Gunaz.tv
MƏSCİDDƏ TERROR AZƏRBAYCANDA GÖRÜNMƏMİŞ HADİSƏDİR abubakr.jpg Əbu Bəkr məscidi Azərbaycanda məsciddə terror, məscidin partladılması görünməmiş bir hadisədir. Dövlət müstəqilliyimiz bərpa olunandan bəri məscidə hücum yalnız ermənilərin işğal etdiyi ərazilərdə olub. Ondan əvvəl isə belə hadisələr yalnız 20-ci əsrin birinci yarısında baş verib - ermənilər məscidlərdə qətliamlar törədib, bolşevik işğalçıları ateist ideologiyaya əsaslanan sovet hakimiyyətini möhkəmlətmək üçün məscidləri ya tamam dağıdıb, ya da anbarlara çevirib. Dini Etiqad və Vicdan Azadlığı Mərkəzinin rəhbəri (DEVAM) Hacı İlqar İbrahimoğlu da «Media forum» saytına açıqlamasında Əbu Bəkr məscidində avqustun 17-də törədilən partlayışı Azərbaycanda ilk presedent adlandırıb: «Bu, dəhşətli bir hadisədir və Azərbaycan cəmiyyəti üçün xarakterik deyil». Partlayışla bağlı ehtimallara gəldikdə, DEVAM rəhbəri bildirib ki, hər hansı şərhdən asılı olmayaraq bu hadisə qəti pislənməlidir: «Bu, çox narahatlıq doğuran bir haldır». İ.İbrahimoğlu qeyd edib ki, məsələ ilə bağlı yekun nəticə çıxarmaq üçün yetərincə məlumat toplamaq lazımdır: «Amma düşünürəm ki, olaya dünyada, regionda və Azərbaycanın daxilində baş verən hadisələr kontekstində yanaşmağa ehtiyac var. Hadisədən sonra Rusiyanın kütləvi informasiya vasitələrinin bunu təcili olaraq yayımlamasına, bir növ Azərbaycana qarşı qara piar kampaniyası aparmasına da xüsusi diqqət yetirmək lazımdır. Mənə elə gəlir ki, ciddi təhlillə məşğul olan mərkəzlər bunun Azərbaycan üçün qətiyyən xarakterik olmaması üzərində dayanmalıdırlar». İ.İbrahimoğlunun fikrincə, avqustun 17-də baş verən hadisə Azərbaycanda son illərdə məmurların dini sahədə apardığı siyasətin yanlış olduğunu da göstərir: «İslamla bağlı geniş maarifçiliyin televiziya məkanında kökünü kəsmək, insanları inancla bağlı dərin bilgi almaqdan məhrum etmək müəyyən radikal çevrələrin Azərbaycanda vətəndaşları öz təsiri altına alması imkanını artırıb». DEVAM rəhbərinin fikrincə, bu pis presedentin sistemli xarakter almaması üçün cəmiyyətdə çox iş görülməlidir. «Media forum»

SEÇİLMİŞ XƏBƏRLƏR

Çox oxunanlar