Azərbaycan müxalifəti yeni koalisiya yaratmaq niyyətindədir

SON XƏBƏRLƏR

Azərbaycan müxalifəti yeni koalisiya yaratmaq niyyətindədir

2021.10.20, 07:36

Gunaz.tv

Azərbaycan müxalifəti yeni koalisiya yaratmaq niyyətindədir

Həftə sonunda Azərbaycanda bir qrup müxalifət partiyası arasında yeni koalisiyanın yaranması ilə bağlı danışılqara başlanılıb. Noyabrın 17-dəki məsləhətləşəmələr “Azadlıq” bloku, Müsavat Partiyası və “Azərbaycan naminə inkişaf” ictimai forumu arasında aparılıb. Bu müxalifət nümayənədələri bildirirlər ki, onlar seçkini boykot etsələr də, belə bir vəziyyətdə vahid istiqamətdə fəaliyyət göstərməyə ehtiyac var. Özündə 3 partiyanı birləşdirən “Azadlıq” bloku adından danışıqları aparan Xalq Cəbhəsi Partiyasının sədr müavini Fuad Mustafayevin sözlərinə görə, o, Müsavat Partiyasından Arif Hacıyev və “Azərbaycan naminə inkişaf” ictimai forumunun rəhəbri Eldar Namazovla görüşüb: “Azadlıq” blokunun qərarı ondan ibarətdir ki, seçkiləri boykot edən partiyalar arasında məsləhətləşmələr olsun və birgə fəaliyyət istiqamətləri müəyyənləşdirilsin.” Müxalifət partiyaları seçkini boykot edirsə, bu halda hər hansı bir birliyin yaradılmasının əhəmiyyəti nədir? Fuad Mustafayev bu sualı belə cavablandırdı: “Söhbət hazırki qeyri-demokratik şəraitə etiraz edən qüvvələrin əməkdaşlıq formalarının müəyyənləşdirilməsindən gedir.” Bu ərəfədə müxalifət birgə fəaliyyət istiqamətlərinin müəyyənləşdirilməsi və bunun bir formasının tapılması ideyasına Eldar Namazov müsbət yanaşıb. “Azərbaycanda demokratik islahatların keçirilməsi ilə bağlı acınacaqlı vəziyyət yaranıb. Belə bir halda müxalifət qüvvələrinin bir araya gəlməsi çox vacibdir. Guya ki, Azərbaycanda prezident seçkiləri gedir, halbuki, heç bir seçki də yoxdur. Bu məsələ ilə bağlı bizim vahid mövqeyimiz demək olar ki, müəyyənləşib. Bunu rəsmiləşdirmək və hansısa bir formada bəyan etmək olar” Azərbaycanda aparıcı müxalifət partiyaları, o cümlədən, Müsavat, Xalq Cəbhəsi, Liberal, Azərbaycan Demokrat Partiyaları seçkinin qeyri-demokratik keçiriləcəyi ilə bağlı ehtmallarını dilə gətirərək boykot qərarı veriblər. Amma iqtidar rəsmiləri bundan narahat olmadıqlarını bildirirlər. Prezident Aparatı ictimai-siyasi şöbəsinin müdiri Əli Həsənov deyir ki, bundan Azərbaycan seçiciləri uduzmayacaq. “Kim seçkiyə qoşulmaq istəyirsə, o da qoşulub. Kimki seçkidən istifadə edib öz siyasi ambisiyalarını həyata keçirmək istəyirsə, buyursun, etsin.” Əli Həsənov qeyd edir ki, preizdent seçkiləri şəffaf və demokratik keçiriləcək. “Artıq kifayət qədər namizəd Mərkəzi Seçki Komissiyasına müraciət edib və biz bu günkü vəziyyətdən tam razıyıq.” Mərkəzi Seçki Komissiyası bu günə qədər 12 namizədə seçici imzaları toplamaq üçün imza vərəqələri verib. Dünən komissiya hakim partiyanın nümayəndəsi İlham Əliyevin namizədliyini təsdiqləyib. bbc

GUNAZ.TV

SON XƏBƏRLƏR