Contact Us

SON XƏBƏRLƏR

ƏHMƏDİNEJAD ATATÜRKƏ HÖRMƏTSİZLİK ETDİ

2021.10.20, 07:36
ƏHMƏDİNEJAD ATATÜRKƏ HÖRMƏTSİZLİK ETDİ

Gunaz.tv
ƏHMƏDİNEJAD ATATÜRKƏ HÖRMƏTSİZLİK ETDİ 2054.jpg İran prezidenti Mahmud Əhmədinejad dünən(14 avqust) Türkiyəyə işgüzar səfərə gedib. Səfərə ona görə işgüzar adı verilib ki, Əhmədinejad Türkiyənin paytaxtı Ankaraya yox, ölkənin ikinci şəhəri sayılan İstanbula gedib. Bunun isə ayrıca səbəbi var. İran prezidenti səfər proqramı hazırlanarkən ora Ankarada Türkiyə Cümhuriyyətinin qurucusu Atatürkün mavzoleyinə baş çəkmək haqda bəndin daxil edilməsinə etiraz bildirib. Nəticədə iki ölkə Xarici İşlər Nazirlikləri arasında protokol böhranı yaranıb, nəhayət, vəziyyətdən çıxış yolu kimi qərara alınıb ki, Türkiyə prezidenti Əhmədinejadı İstanbulda qarşılasınlar. Abdullah Gülün bu addımı isə ölkədə tənqidlə qarşılanıb. Lakin İran prezidenti Türkiyəyə yola düşməzdən əvvəl deyib ki, səfərin İstanbula təyin edilməsi A.Gülün proqramı ilə bağlı olub. Onun dediyinə görə, guya həmin vaxt A.Gülün İstanbulda olması planlaşdırıldığından səfəri də elə orada keçirmək qərara alınıb. İran prezidenti bu cür problemlə Türkiyəyə etdiyi səfər əsasən onun ölkəsinin nüvə proqramı, Türkiyənin bu məsələnin həlli üçün son vaxtlar göstərdiyi vasitəçilik səyləri ilə bağlıdır. Qeyd edək ki, bu, Əhmədinejadın Türkiyəyə ilk səfəridir. Onun prezident A.Güllə, sonra baş nazir Rəcəb Tayyib Ərdoğanla görüşəcəyi gözlənilirdi. Ərdoğan Əhmədinejadın gəldiyi saatlarda Tiflisdə idi və belə görünür ki, baş nazir İran prezidenti ilə görüşə bilmək üçün tezliklə geri dönəcək. Bildirilir ki, İran prezidentinin Türkiyəyə səfəri İsrail və Amerika çevrələrində narahatlıqla qarşılanıb. Bu narahatlıq diplomatik kanallarla Ankaraya çatdırılıb. Gözlənilirdi ki, Əhmədinejadla danışıqlarda Türkiyə ilə İran arasında enerji dəhlizi PKK-ya qarşı ortaq mübarizə məsələləri də müzakirə olunacaq. İran prezidenti üçün isə bu səfərin əhəmiyyəti ondadır ki, Əhmədinejad Türkiyə kimi regionun nüfuzlu ölkələrindən biri ilə yaxın dostluq münasibətlərinin olduğunu, təcrid edilmiş vəziyyətdə olmadığını Qərbə göstərə biləcək. Siyasət şöbəsi musavat

SEÇİLMİŞ XƏBƏRLƏR

Çox oxunanlar