Contact Us

SON XƏBƏRLƏR

AŞ PA sədri də yalançı çıxdı

2021.10.20, 07:36
AŞ PA sədri də yalançı çıxdı

Gunaz.tv
AŞ PA sədri də yalançı çıxdı puig.jpg Nəsib Nəsibli: "Beynəlxalq təşkilatların təmsilçiləri, Minsk qrupunun həmsədrləri dedikləri sözün arxasında durmaq cəsarətinə malik deyillər" Avropa Şurası Parlament Assambleyasının (AŞ PA) sədri Luis Mariya de Puig Azərbaycana səfəri zamanı söylədiklərini inkar edib. Xatırladaq ki, Luis Mariya de Puig AŞ-ın Azərbaycanın ərazi bütövlüyünü dəstəklədiyini, beynəlxalq sənədlərlə əksini tapmış sərhədlərini tanıdığını, bu faktın AŞ PA-nın yay sessiyasında qəbul olunmuş qətnaəmədə bir daha vurğulandığını, Dağlıq Qarabağın Ermənistan tərəfindən işğal olunduğunu dilə gətirmişdi. O hətta bildirmişdi ki, bir həftə sonra Ermənistana səfəri zamanı da bu fikirləri səsləndirəcək. Rəvan Məmmədli Qeyd edək ki, ilk dəfə Qərbdə nüfuzuna görə seçilən bir qrumun rəhbərlərindən birinin belə açıq və birmənalı mövqe ortaya qoyması Azərbaycanda xüsusi maraqla qarşılanmışdı. Bəs nədən Luis Mariya de Puig öz dediklərini İrəvanda inkar edib? Onu da deyək ki, Bakıda obyektiv bəyanatlar verib, İrəvanda söylədiklərini inkar edən tək AŞ PA sədri deyil. Dağlıq Qarabağ münaqişəsinin sülh yoluyla tənzimlənməsində vasitəçilik funksiyasını yerinə yetirən ATƏT-in Minsk qrupunun həmsədrləri, xüsusən də Metyu Brayza da tez-tez belə davranış ortaya qoyur. Məsələylə bağlı fikirlərini öyrəndiyimiz millət vəkili Nəsib Nəsibli deyir ki, beynəlxalq təşkilatların təmsilçiləri, Minsk qrupunun həmsədrləri Bakıda Azərbaycan ictimaiyyətinin, hökumətinin xoşuna gəlməsi üçün məlum bəyanatlar verirlər. Ancaq sonra dərk edirlər ki, onlar İrəvanda da olacaqlar və eyni sualları ermənilər də ünvanlayacaqlar ki, filan sözü deyəndə nəyi nəzərdə tutmusunuz: "Yəni Ermənistanda təzyiqlərə məruz qalacaqlarını başa düşürlər. Bu, kifayət qədər tez-tez rast gəlinən praktikadır. Sonra da deyirlər ki, jurnalistlər təhrif edirlər". Nəsib Nəsiblinin sözlərinə görə, məsələ ondadır ki, Luis Mariya de Puig də daxil olmaqla, beynəlxalq təşkilatların təmsilçiləri, Minsk qrupunun həmsədrləri dedikləri sözün arxasında durmaq cəsarətinə malik deyillər: "Beynəlxalq təşkilatlar öz siyasətlərini qərarlarında, sənədlərində əks etdirirlər. Sadəcə, diplomatlar bəzən öz şəxsi mövqelərindən çıxış edir, sonra da bunu danırlar". xalqcebhesi

SEÇİLMİŞ XƏBƏRLƏR

Çox oxunanlar