GUAM təzyiqlərdən yorulub "Hələlik Qərb Rusiyanın bu ölkələrə təsirini artırmasına biganə yanaşır" Ukrayna, Gürcüstan, Azərbaycan və Moldovadan ibarət GUAM-Demokratiya və İnkişaf Uğrunda Təşkilatının fəaliyyətində sönüklük hiss olunmaqdadır. Bu ölkələrin Rusiya ilə ünasibətlərində, sülhməramlı taborun yaradılması məsələsinə yanaşmada müəyyən fərqlər yaranıb. Politoloq Zərdüşt Əlizadə keçmiş 4 sovet respublikasını birləşdirən GUAM-ın fəaliyyətinin zəifləməsinin təkcə Rusiyanın təzyiqiylə əlaqələndirmir. Tural Ekpert bu qurumun təsir imkanlarının olmadığını və ABŞ-ın maraqları üçün yaranması səbəbindən iflic vəziyətə düşüdüyünü bildirir: "GUAM yaranarkın müəyyən ümumi məqsədlərə xidmət edirdi. Sonradan Qərb gördü ki, bu qurum Rusiyaya qarşı çıxmaq üçün bir alətdir. Bundan sonra çalışdı ki, onu siyasi təşkilata, hərbi bloka çevirsin. Amma indi Kremlin bu dörd ölkə ilə münasibətləri bəlli olub. Moskva Ukrayna, Moldova və Azərbaycanla ikitərəfli münasibətlər qurub. Demək olar ki, Gürcüstanla da oxşar əlaqələr var. Sadəcə olaraq Kreml son bir ildə Tiflisin başağrısını artırıb". GUAM-ın hansısa bir mütəşəkkil cəhdləri əlaqələndirə bilmədiyini deyən Zərdüşt Əlizadə bu təşkilatın mövcudluğunun heç kimə maraqlı olmadığını da vurğuladı: "Buna baxmayaraq, hələ də dövlət departamentində hansısa bir məmur oturub, ona da GUAM-ın formal fəaliyyəti lazımdır. O da GUAM-a üzv ölkələrə səfər edərkən bildirir ki, bu qurum yaxşı fəaliyyət göstərir və ya sülhməramlı tabor yaradılmalıdır". Onun fikrincə, GUAM-ın varlığı Rusiyanı narahat etmir: "Moskva Bakını bir neçə vasitəylə öz təsirində saxlayır. Ən önəmlisi Qarabağ münaqişəsidir. GUAM Gürcüstanın separatçı Cənubi Osetiya və Abxaziya münaqişələri üçün də yalnız bəyanatlardan verə bilər. Ona görə də necə ki, Qərb özünü Kosova məsələsində siyasi cəhətdən həyasız apardı, Rusiya da özünü Gürcüstan məsələsində belə aparır, heç kimdən çəkinmir. NATO Rusiyaya təsir edə etmirsə, GUAM bu vəzifəni yerinə yetirə bilməyəcək. Kremlin işğalçı əlaltısı Ermənistan isə artıq müəyyən təminatlarla Rusiyaya bağlanıb. Qarabağ separatçılarının hərbi dəstələri İrəvanda, Ermənistan silahlı qüvvələri isə Xankəndidə oturub. Ermənistan ordusu Qarabağda münaqişənin girovudur. Separatçıların hərbi dəstələri isə Ermənistanda separatçı klanının hakimiyyətinin təminatçısıdır. Burada həm də Rusiya ordusu da yerləşib. Nəhayət, ən güclü təminatçı rolunda erməni xalqının xəstə təxəyyülü çıxış edir. "Türklər əbədi düşməndir" düşüncəsi işğalçı dövləti həmişəlik Moskvadan asılı vəziyyətə salıb. Ukraynanın da qaz-neft mənbələrinin Rusiyada olduğunu unutmamalıyıq. Bu ölkənin şərq hissəsi Rusiyaya meyllidir və burada rusdilli əhali yaşayır. Moldovadakı separatçı Dnestryanı isə Rusiyanın əlində böyük silahdır. GUAM isə Vaşinqtonda ABŞ Dövlət Departamentinin hansısa məmurunun yaxşı maaş alması üçün əla vasitədir. Bu təşkilat da artıq bir növ MDB-nin "kiçik qardaşına" çevrilib. Rusiya çox istəyir ki, MDB-ni saxlasın, amma bu qurum da yavaş-yavaş dağılacaq". Ekspertin fikrincə, Vladimir Putin və indi də Dmitri Medvedyev zamanında Rusiya Gürcüstan, Ukrayna, Moldova və Azərbaycana təzyiqlərini, təsirini artırır, Qərb isə bu prosesə biganə yanaşır. Qərb isə hələlik seyrçi mövqeyində dayanıb". xalqcebhesi