İRANDA EDAM OLUNMUŞ SIYASI MƏHBUSLARIN AILƏLƏRINƏ TƏZYIQLƏR BAŞLAYIB

SON XƏBƏRLƏR

İRANDA EDAM OLUNMUŞ SIYASI MƏHBUSLARIN AILƏLƏRINƏ TƏZYIQLƏR BAŞLAYIB

2021.10.20, 07:36

Gunaz.tv

İRANDA EDAM OLUNMUŞ SIYASI MƏHBUSLARIN AILƏLƏRINƏ TƏZYIQLƏR BAŞLAYIB

DAK informasiya mərkəzinə Güneydən daxil olan məlumata əsasən İrandakı demokrasi və hüquq müdafiəçiləri son günlərdə İranın əksər şəhərlərində faşist molla hakimiyyətinin 1980-ci ildən bu günə qədər İran həbsxanalarında edam etdikləri siyasi məhbusların ailələri siyasi fikirlərinə görə edam olunmuş övladlarının və yaxınlarının anım mərasimini keçirmək məqsədilə adsız məzarlıqlarda toplanaraq edam olunanların 20-25 iliyini qeyd ediblər. Xatırladaq ki, 1980-ci ildən hakimiyyətdə olan faşist molla hakimiyyəti həmin hakimiyyətə müxalif olan və siyasi partiyalardan İran hakimiyyəti əleyhinə mübarizə aparan insanları kütləvi şəkildə həbs edərək ağır işgəncələrdən sonra minlərlə insanı edam etmişlər. Həmin edamlar əsasən Tehran Evin həbsxanasında, Təbrizin mərkəzi həbsxanasında, Şiraz, Məşhəd, Urmiyə, Ərdəbil, Həmədan, Əhvaz, Yəzd, Rəşt şəhərlərində həyata keçirilmişdir. Bu anım mərasiminin keçirilməsində qorxuya düşən hakimiyyət məmurları mərasimdə iştirak etmək istəyən çoxlu sayda ailələrin başçılarını həbs edərək Evin həbsxanasında dəhşətli 209-cu şöbəsinə yerləşdirərək təzyiq və işgəncələrə məruz qoyurlar. 50 yaşlı Mövsüm Nadiri həmin anım mərasiminin təşkilatçısı kimi Tehran İnqilab məhkəməsinə çağırılıb və həmin yerdən Evin həbsxanasının 209-cu bəndinə yerləşdirilib. Mövsüm Nadiri keçən il ailə üzvü olan Məhəmmədhüseyn Davud Abadinin edam olunmasının 19-cu ildönümünü keçirmək istəyərkən 12 nəfər ETTELAAT məmuru tərəfindən həbs edilərək ağır işgəncələrə məruz qoyulmuşdur. 21 gün işgəncələrdən sonra girov qoymaqla müvəqqəti azadlığa buraxılmışdır. Neçə müddət sonra Tehran inqilab məhkəməsinin 28-ci şöbəsində Musəvi adlı hakim tərəfindən ağır ittihamlarla mühakimə olunmuşdur. Xatırladaq ki, Mövsüm Nadiri 1980-ci ildən 1985-ci ilə qədər həbs edilərək xalq mücahidləri partiyasının fəalı olmaqda ittiham edilmişdir. Hal hazırda yaxınlarının anım mərasimini keçirmək istəyən və həbs edilən insanların Evin həbsxanasının 350-ci kamerasında saxlanılır və ağır işgəncələrə məruz qoyulurlar. Keçən il həbs olunan ailələr 4 ay müddətinə işgəncə və təzyiqlər altında saxlanılaraq ruhi xəstəliklərə düçar olublar. Hal hazırda onların əksəriyyəti hələ də Evin həbsxanasında saxlanılırlar. Onlardan 60 yaşlı Əli Sarimi, Məhəmmədəli Mənsuri, Misaq Yəzdannejat və Nasir Sodagəri aparmaq olar. Ümumilikdə 1979-cu ildən bu günə qədər İran hakimiyyətinə qarşı çıxan siyasiləri təxminən 130 min nəfərin edam etdiyi bildirilir. Edam olunanların əksəriyyəti naməlum yerlərdə və kütləvi şəkildə basdırıldığından dəqiq rəqəmi əldə etmək qeyri-mümkündür. Yaxın mənbələrdən verilən məlumata görə edam olunan siyasilərin hətta məzarları üzərlərində adlarının yazılması da qadağan edilib. Ailələr məzarları tanımaq üçün xüsusi işarələrdən istifadə etmək məcburiyyətində qalırlar. www.dak.az

GUNAZ.TV

SON XƏBƏRLƏR