Rusiya jurnalı Azərbaycanın hərbi sirrini açdı

SON XƏBƏRLƏR

Rusiya jurnalı Azərbaycanın hərbi sirrini açdı

2021.10.20, 07:36

Gunaz.tv

Rusiya jurnalı Azərbaycanın hərbi sirrini açdı

«Moscow Defense Brief» nəşri ölkənin son 7 ildə xaricdən aldığı hərbi texnikanın siyahısını dərc edib Rusiyanın “Moscow Defense Brief” jurnalı Azərbaycanın 2000-2007-ci illərdə aldığı hərbi texnikaların siyahısını dərc edib. APA-nın məlumatına görə, ötən il Rusiya ilə Azərbaycan arasında imzalanmış sənədə görə ölkəmiz 2008-ci ildə Arzamas maşınqayırma zavodunda istehsal olunmuş bir neçə ədəd BTR-90 S və 70 ədəd BTR-80 A alacaq: “2002-ci ildə Qəbələ radiolokasiya stansiyasının statusu barədə imzalanmış sənəddə Rusiyanın Azərbaycanın Hərbi Hava Qüvvələrinin və Hava Hücumundan Müdafiə Qüvvələrinin müasirləşdirilməsinə yardım göstərməsi, Azərbaycan hərbi qulluqçularının Rusiyada təhsil alması və həmçinin hərbi texnikanın təmir olunmasına yardım edilməsi barədə müddəalar öz əksini tapıb. Türkiyə 2005-ci ildə Azərbaycana 170 mln. dollar həcmində yardım göstərib. Azərbaycan həmçinin ABŞ və Israil firmalarından kommersiya əsasında atıcı silahlar və müasir vasitələr əldə edir. Azərbaycan hazırda da Hərbi Hava Qüvvələri (HHQ) üçün yeni təyyarələr almağı planlaşdırır. 2005-ci ildə Azərbaycan Ukrayna ilə 12 MiQ-29 döyüş təyyarəsinin, 2 MiQ-29 UB təyyarəsinin və 12 L-39 təlim təyyarəsinin alınması ilə bağlı müqavilə imzalayıb. Bu dövrdə Azərbaycan 12 ədəd Su-25 hücum təyyarəsi (ehtimal ki Çexiyadan) və 1 ədəd Su-27UB (Gürcüstan) alıb. Ukrayna ilə aparılan danışıqlarda Su-27 təyyarəsi və Su-25 hücüm təyyarəsinin alınması ilə bağlı razılıq əldə olunub. Eyni zamanda Azərbaycanın Mi-24 zərbə vertolyotları Ukraynada fəaliyyət göstərən Cənubi Afrikanın “South African ATE Companys Super Hind Mk-III Program” şirkəti tərəfindən modernləşdiriləcək". Jurnal qeyd edir ki, Azərbaycan yaxın perspektivdə Çindən FC-1 yüngül qırıcı təyyarələri də almaq niyyətindədir. Məqalədə həmçinin Azərbaycanın aldığı silah və hərbi texnikaların siyahısı açıqlanıb. Siyahıya görə, Azərbaycan 2002-2006-ci illərdə 106 T-72 tankı alıb. Onlardan 45-i Ukraynadan (2004-200a6), 60-ı Belarusdan (2005-2006), 1-i isə Slovakiyadan (2002) alınıb. Ölkəmiz həmçinin 2005-ci ildə Ukraynadan 2 BMP-1 zirehli texnikası alıb. 2006-cı iıdə 3 ədəd BTR-3U zirehli texnika, 2002-ci ildə Ukraynadan 36 ədəd 130 mm-lik M-46 mərmi yedəyi, 2002-ci ildə Bolqarıstandan 72 ədəd 100 mm-lik MT-12 tankəleyhinə mərmi, 2004-2005-ci illərdə Ukraynadan 12 ədəd 9 RK58 Smerch reaktiv yaylım atəş sistemi, 2005-2006-cı illərdə Ukraynadan 85 ədəd PM-38 qumbaratanı, 2006-2007-ci illərdə Ukraynadan 12 ədəd MiQ-29 qırıcısı, 2006-cı ildə yenə Ukraynadan 2 ədəd MiQ-29 UB, 2002-2005-ci illərdə Gürcüstandan 12 ədəd Su-25, 2005-ci ildə Gürcüstandan 1 ədəd Su-25 UB təlim təyyarəsi, 2006-cı ildə Ukraynadan 12 ədəd L-39 təlim təyyarəsi, 2000-ci ildə Türkiyədən 1 ədəd AB-25 patrul kateri, 2003-cü ildə ABŞ-dan 1 ədəd “Point” patrul kateri, 2001-ci ildə ABŞ-dan 2 ədəd kiçik patrul kateri, 2001-2005-ci illərdə Türkiyəən 30 ədəd kiçik patrul kateri alınıb. azadliq

GUNAZ.TV

SON XƏBƏRLƏR