"Ermənistanla danışıqlara baxmayaraq biz, Türkiyə olaraq Qarabağ probleminə biganə qala bilmərik" Türkiyənin xarici işlər naziri Əli Babacan BMT Təhlükəsizlik Şurası üzvlüyünə oktyabrda keçiriləcək seçkilərdə Türkiyəyə dəstək axtarmaq məqsədilə Nyu Yorkda səfərdə olan Xarici İşlər Naziri Əli Babacan keçirdiyi görüşlərdə elə dəstək xarakterli sözlərdən çox məmnun olduğunu deyib. Ə.Babacan,"hazırki vəziyyətə baxanda seçkilərdən uğur gözləməyə dəyər, çünki bizdə ümidləri doğrultmaq üçün kifayət qədər imkan var, amma yenə də..buna baxmayaraq, hər seçkidə olduğu kimi son dəqiqəyə qədər çalışmaq lazımdır" deqib. Nyu Yorkdakı Türk evində keçirdiyi mətbuat konfransında ABŞ-dakı görüşlər barədə məlumat verən Əli Babacan, Türkiyənin həyata keçirdiyi islahatların hamının diqqətini çəkdiyini və onlardan nümunə götürüldüyünü bildirib. Bir jurnalistin, "Türkiyənin seçkilərdə qalib gələ bilmədiyi hal üçün, B planınız varmı” sualına, Ə.Babacan, "Təhlükəsilik Şurasında Türkiyə kimi bir ölkənin olması çox vacibdir. Bizim Şuraya üzvlüyümüz faydalı olacaq. Digər ölkələr də təbliğat kampaniyalarını aparırlar, dünyada əhalisinin sayı 10 min ilə 100 min arasında olan o qədər ölkə var ki! Seçkilərdə əhalinin sayının heç bir əhmiyyəti yoxdur. Bir səs bir səsdir. Nəticə əldə edənə kimi mübarizə aparmaq lazımdır" cavabını verib. BMT baş katibi Pan Ki-Munun Avstraliyanın keçmiş Xarici İşlər Naziri Aleksandr Dovneri BMT Kipr xüsusi təmsilçisi təyin etməsinə Ə.Babacan: "BMT-nin ciddi şəkildə Kipr məsələsi ilə məşğul olacağına dair vacib mesaj olaraq görürəm. Kipr probleminin həll olması üçün BMT-nin dəstəyi hər zaman lazımdır” deyə açıqlama verib və əlavə edib ki, Kipr probleminin birdəfəlik həll olması üçün BMT məsuliyyəti üzərinə götürməlidir. Keçirdiyi görüşlərdə, Türkiyənin daxili siyasəti ilə bağlı heç bir söhbət aprmadığını bildirən Ə.Babacan, "Nyu York Tayms" qəzeti ilə görüşünün yalnız söhbət xarakterli olduğunu bildirib. Bölgəsəl güc olmaq əvəzinə qlobal bir aktyor olmaq üçün çalışdıqlarını qeyd edən Xarici İşlər Naziri, sülh və sabitlik üçün çalışdıqlarını, Türkiyənin xarici siyasətində hər hansı gizli bir məsələnin olmadığını bildirib. Türkiyənin, hər dövlətin etibarını qazana biləcək bir ölkə olduğunu qeyd edən Ə.Babacan, Ermənistan ilə də yaxşı qonşuluq münasibətləri qurmaq istədiklərini bəyan edib. "BMT-yə üzv olan 192 ölkə var. Biz bu ölkələrdən Ermənistan da daxil olmaqla, 191-ni tanıyırıq. Hamısına dəvətnamə göndərmişik. Ermənistandakı seçkilərdən sonra cənab Prezidentimiz tərəfindən Ermənistan Prezidentinə göndərilən məktub, Baş Nazirimizin vurduğu teleqram, yeni hökümət qurulduqdan sonra mənim göndərdiyim məktub da, yeni bir dialoq qurmaq niyyətimizdən xəbər verir. Bizim istəyimiz və xarici siyasətimizin əsas prinsipi - qonşularımıza sıfır problemdir." Türkiyənin qonşu ölkə Ermənistanla yaratmağa çalışdığı xoş münasibətlərin birtərəfli olduğunu qeyd edən Ə.Babacan, "Hava sərhhəddini açdıq, Ermənistandan gələrək Türkiyədə çalışan 10 minlərlə insan var. İran və Gürcüstan vasitəsilə ticarət həyata keçirilir. Amma bunlar bizim birtərəfli qaydada atdığımız addımlar olaraq qalır, bu təşəbbüslərimizə qarşı tərəfdən də qarşılıqlı münasibət gözləyirik". O, eyni zamanda Türk Tarix Qurumu sədrinin vəzifəsindən azad olunması ilə Ermənistanla yaradılmağa çalışılan yaxşı qonşuluq münasibətləri arasında bir əlaqə qurulmasının səhv olduğunu söyləyib. Ə.Babacan eyni zamanda Ermənistanla Azərbaycan arasındakı problemə də, Türk tərəfi olaraq biganə qalmayacaqlarını xüsusi olaraq qeyd edib./Hurriyyet/