Gül Ermənistana getməyəcək

SON XƏBƏRLƏR

Gül Ermənistana getməyəcək

2021.10.20, 07:36

Gunaz.tv

"Gül Ermənistana getməyəcək"

Rauf Mirqədirov: "Çünki həm Türkiyənin, həm Ermənistanın daxilində kəskin siyasi mübarizə gedir" Ermənistanla Türkiyə arasında münasibətlərdə hər hansı irəliləyişin olacağını əvvəlcədən demək çətindir. Ankara və İravan arasında qarşılıqlı bəyanatlar səsləndirilsə də mütəxəssislərə görə, prezident Abdulla Gülün Ermənistana səfəri baş tutmayacaq. Politoloq Rauf Mirqədirov Türkiyə prezidentinin İrəvana yığma komandaların oyununu izləməyə getməsinə inanmadığını, bunun bir sıra problemlərə də yol açacağını dedi: "Türkiyə-Ermənistan münasibətlərinin Türkiyə-Azərbaycan münasibətləriylə əlaqələndirilməsinin o qədər də tərəfdarı deyiləm. Çünki İrəvan və Ankara arasında da çox ciddi problemlər var. Tural Bunlar "soyqırım" məsələsi, ermənilərin Türkiyəyə ərazi iddialarıyla bağlıdır. Bu iki məsələ isə Ermənistanın Konstitusiyasında da öz əksini tapıb. Bütün hallarda iki dövlət arasında olan münasibətlərdə bu məsələlərin Türkiyənin maraqları çərçivəsində həlli pozitiv bir hal olardı. Erməni politoloqu Aleksandr İsgəndəryanın da müsahibəsinə baxsaq, görərik ki, o da münasibətlərin normallaşmasını müsbət amil sayır və bunu Ermənistanın maraqlarına cavab verdiyini düşünür". Ermənistanın dörd qonşusundan ikisilə sərhədlərin bağlı olduğunu xatırladan Rauf Mirqədirova görə, ermənilər Türkiyə ilə sərhədlərin açılmasının Avropaya rahat və qısa yolun olacağını düşünürlər: "Amma Aleksandr İsgəndəryan sərhədlərin açılmasının əvəzində Ermənistanın "soyqırım" və Qarabağ münaqişəsinin həllində güzəştə getməyəcəyini bildirib. "Soyqırım" məsələsi rəsmi İrəvandan çox erməni diasporasının problemidir". Rauf Mirqədirova görə, Ermənistan və Türkiyə arasında danışıqlara görə, Azərbaycanın həddindən artıq həyəcanlanmasının heç bir əhəmiyyəti də yoxdur. Bu məsələnin ikinci tərəfi də var ki, ərazi iddiaları və "soyqırım" məsələsində anlaşmanın yaranacağı təqdirdə, Ermənistan qonşu dövlətlərlə münaqişələrinə konstruktiv mövqedən yanaşmağa başlayacaq. Bunun özü də pozitiv ola bilər. Gələcəkdə Dağlıq Qarabağ probleminin həllində də müsbət rol oynaya bilər. Onun sözlərinə görə, Türkiyə prezidenti Abdulla Gül İrəvana getməyəcək. Çünki hazırda həm Ermənistanda, həm də Türkiyədə çox ciddi proseslər, kəskin siyasi mübarizə gedir. İrəvanda müxalifət Serj Sərkisyanın legitimliyini qəbul etmir. Ankarada isə bir hakim AKP-nin qapanması məsələsi ortaya çıxıb, digər tərəfdən də hərbçilər, jurnalistlər və siyasi xadimlərin həbsləri gedir. Yəni hər iki dövlətin daxilində kəskin siyasi mübarizə başlayıb. Belə bir halda Ermənistan və Türkiyə dövlət rəhbərlərinin iki ölkə arasında problemlərin çözülməsi istiqamətdə ciddi adımlar ata biləcəyi də şübhə doğurur. Rauf Mirqədirov Türkiyənin Azərbaycanın razılığı və iştirakı olmadan Ermənistanla Qarabağ münaqişəsiylə bağlı ciddi müzakirələr aparmaq məsuliyyətini öz üzərinə götürməsini də də inandırıcı saymadı. xalqcebhesi

GUNAZ.TV

SON XƏBƏRLƏR