Contact Us

SON XƏBƏRLƏR

Vaşinqton və Bağdad ehtiyatlanır

2021.10.20, 07:36
Vaşinqton və Bağdad ehtiyatlanır

Gunaz.tv
Vaşinqton və Bağdad ehtiyatlanır ag-ev.jpg "İraq və ABŞ arasında təhlükəsizlik haqda ikitərəfli müqavilənin hələ də imzalanmamasının əsas səbəbi İraq xalqının bu müqavilənin əleyhinə olmasıdır". Bunu iraqlı millət vəkili Fövzi Əkrəmoğlu TrendNews-a açıqlamasında bildirib. Vaşinqton heç bir səbəb göstərmədən ABŞ və İraq arasında təklükəsizlik haqda imzalanacaq ikitərəfli müqavilənin bu ayın axırınadək təxirə salındığını bəyan edib. Təhlükəsizlik haqda razılaşmaya əsasən, ABŞ hərbçilərinin İraqda qalma müddəti 2016-cı ilə qədər uzadıla bilər. Bu haqda məlumatı iyulun 23-də "Əl-Cəzirə" telekanalı verib. İngiltərənin Durham Universtitetinin Yaxın Şərq və ərəb ölkələri üzrə eksperti Kristofer Devidson isə hesab edir ki, müqavilənin imzalanmasını uzadan əsas səbəb ABŞ-da keçiriləcək yeni prezident seçkiləri ilə bağlıdır: "İraqda və ABŞ daxilində bir sıra ziddiyyətlər olduğu üçün Vaşinqton bu müqavlənin imzalanması vaxtının uzadılmasında maraqlıdır". O hesab edir ki, müqavilənin imzalanması İraqda vəziyyəti gərginləşdirə bilər. Bu isə ABŞ-ın maraqlarına ziddir. Əkrəmoğlu da belə düşünür ki, İraq hökuməti daxili sabitliyi qorumaq məqsədilə bu müqaviləni imzalamayacaq. Onun fikrincə, müqavilənin imzalanması İraqda əldə edilmiş nisbi sakitliyin pozulması və yeni milli münaqişələrin başlaması ilə də nəticələnə bilər. Fövzi Əkrəmoğlunun qənaətinə görə isə, müqavilənin imzalanması ilə İraqın bir dövlət kimi müstəqilliyinə və süverenliyinə son qoyula bilər". İraqlı millət vəkili Vaşinqton və Bağdad arasında imzalanacaq təhlükəsizlik müqaviləsinin iraqlılar üçün heç bir əhəmiyyət kəsb etmədiyini düşünür: "Bu müqavilə işğalçıların vasitəsilə hakimiyyətə gələn qüvvələrin maraq dairəsindədir.ABŞ-ın da müqavilənin imzalanmasında öz maraqları var. Belə ki, Vaşinqton bu müqavilə ilə İraqdakı mövcudluğunu rəsmiləşdirmək niyyətindədir". xalqcebhesi

SEÇİLMİŞ XƏBƏRLƏR

Çox oxunanlar