Contact Us

SON XƏBƏRLƏR

Toxun acdan nə xəbəri..._ A. Kərimova

2021.10.20, 07:36
Toxun acdan nə xəbəri..._ A. Kərimova

Gunaz.tv
Toxun acdan nə xəbəri... A. Kərimova ayse19078.jpg Qlobal istiləşmə, aclıq, qida məhsullarının qiymətləri və s. Problemli məsələləri müzakirə etmək üçün "böyük səkkizlik" dünya zəngiləri zirvəsi olan Yaponiyanın Toyako şəhərində toplandı. Ev sahibi olan Yaponiya bu toplantıda daha çox diqqəti qlobal istiləşməyə çəkəcəkdi, amma başda Corc Buş olmaqla İngiltərə, Rusiya, Fransa müzakirələri qida və neft qiymətlərinin artmasına yönəltdi. Dünyanın aclıq çəkən dövlətlərindən Həbəşistan, Tanzaniya, Seneqalın dövlət başçıları da toplantıya qatılmışdılar. Bu ölkələrə necə yardım edə biləcəklərini, qida məhsulları qıtlığını, önəmli qida məhsullarının qiymətlərinin artımı probleminin həlli yollarını müzakirə etdilər. Çox önəmli bir toplantıydı və bütün dünyanın diqqəti orda idi. Hər kəs toplantının nəticəsini diqqətlə izləyirdi ki, zirvə görüşlərinin sonunda verilən bir ziyafət hər şeyi alt-üst etdi. Yaponiyada liderler üçün 25 aşbazın qol çırmalayıb hazırladıqları 19 çeşid yeməkdən ibarət menyunun siyahısı dünya mətbuatının manşetinə çıxdı. Balıq kürüsündən tutmuş, somon fümesi, digər dəniz məhsullarından hazırlanan bahalı yeməklər, süd quzusu, bahalı içkilər və s. Həm yeməkləri zəngin masa arxasına oturan liderlər dünyanın gözünün içinə baxa-baxa yedilər. "The Guardian" qəzeti "Çörək tapmırsız pasta yeyin" deyən Mariya Antuannettadan bu yana belə biganəlik görmədik" yazdı və baş nazir Braunu tənqid atəşinə tutdu. Ən tərbiyəsiz davranış isə Tanzaniya, Həbəşistan, Seneqal liderlerinin ziyafətə dəvət olunmaması idi. "Save the Children" təşkilatından Dominik Nutt ise daha sərt sözlər işlətdi: "Milyonlarla insanın doğru-düzgün yemək tapmadıqları bir dünyada onların çeşid-çeşid yeməkləri mədələrinə ötürməsi son dərəcə ikiüzlü davranış". Dominik Nutt bəlkə də bu ikiüzlü davranışa ilk dəfə şahid olur. Amma burda təəccüblənəcək və heyrətlənəcək bir şey yoxdu. Əzəldən belədir bu dünya. Heç vaxt dəyişməyib və dəyişməyəcək də. Necə deyərlər, toxun acdan nə xəbəri... Ayşə Kərimova GÖNEN gonenay@ hotmail.com 525

SEÇİLMİŞ XƏBƏRLƏR

Çox oxunanlar