Vəfa Quluzadə: «Türk ordusunun siyasi proseslərə müdaxiləsi həmişə dövlətçiliyin xeyrinə olub»

SON XƏBƏRLƏR

Vəfa Quluzadə: «Türk ordusunun siyasi proseslərə müdaxiləsi həmişə dövlətçiliyin xeyrinə olub»

2021.10.20, 07:36

Gunaz.tv

Ordu “Ergenekon”un istintaq materiallarını tələb edir...

Vəfa Quluzadə: «Türk ordusunun siyasi proseslərə müdaxiləsi həmişə dövlətçiliyin xeyrinə olub» Türkiyədəki siyasi vəziyyət hələ də gərgin olaraq qalır. Istanbul Cümhuriyyət baş prokuroru Aykut Cengiz Enginin “Ergenekon”un istintaq ittihamnaməsini açıqlaması prosesləri bir qədər də qəlizləşdirib. Belə ki, uzun müddət proseslərə müdaxilə etməyən və onları kənardan izləməklə kifayətlənən ordu baş verənlərə müdaxilə etmək qərarına gəlib. Belə ki, Baş Qərargahın Hərbi Prokurorluğu “Ergenekon”la bağlı istintaqı aparan prokurora müraciət edərək ondan bir sıra istintaq materiallarını istəyib. Ordunun bu istəyinə hələ ki, cavab gəlməyib. Amma indidən bəzi ekspertlər hesab edir ki, hərbi prokurorluğun müraciətinə “yox” cavabının verilməsi və ya istintaqın gedişində bəzi məqamların ordunun mövqeyinə zidd olmasının ortaya çıxması prosesləri bir qədər də qəlizləşdirə bilər. Hazırda Türkiyədə baş verənlərə şərh verməyin olduqca çətin olduğunu deyən politoloq Vəfa Quluzadə hesab edir ki, Türkiyədə cərəyan edən hadisələr bu ölkədə siyasi böhranın daha da dərinləşməsində bəzi qüvvələrin maraqlı olduğunu ortaya çıxarır: “Həqiqətən də Türkiyə əhalisinin bir qismi Ərdoğan hakimiyyətinin əleyhinəydi. Bunun da səbəbi AKP-nin Türkiyəni islamçılığa doğru aparması idi. Amma Ərdoğan hakimiyyəti eyni zamanda sübut etməyə çalışır ki, Türkiyə bütün istiqamətlərdən inkişaf edir və ona qarşı irəli sürülən ittihamlar yersizdir. Bu proseslərin arxasında xarici qüvvələrin dayanıb-dayanmaması olduqca aktual məsələdir”. Türkiyədə baş verənlərin bu ölkənin maraqlarına uyğun olmadığını düşünən V.Quluzadə arzulayır ki, qardaş ölkədəki böhran tezliklə aradan qalxsın. Türk ordusunun həmişə dövlətçiliyin maraqlarından çıxış etdiyini xatırladan V.Quluzadə bildirdi ki, türk ordusunda da son dövrlər bir sıra islahatlar aparılıb: “Bəzən elə düşünülür ki, tezliklə ölkədəki böhrana son qoyulacaq. Amma sonra məlum olur ki, bu böhran hələ uzun müddət davam edəcək. Türkiyədə hazırda baş verənlərlə də bağlı bu fikri söyləmək olar. Türk ordusu həmişə ədalətin, dövlətçiliyin tərəfində çıxış edib. Yəni türk ordusunun siyasi proseslərə müdaxiləsi həmişə dövlətçiliyin xeyrinə olub. Indi türk ordusunun generalları hamısı NATO təhsillidir. Görək, onların proseslərə mümkün müdaxiləsi nəylə nəticələnəcək? Baş verənlərdən ordu parçalanacaqmı, yoxsa yürüdülən siyasət zabitlər tərəfindən də dəstəklənəcək?..” Xəyal

GUNAZ.TV

SON XƏBƏRLƏR