Azərbaycan və Ermənistan Tbilisidə hərbi təlimlərdə iştirak edir

SON XƏBƏRLƏR

Azərbaycan və Ermənistan Tbilisidə hərbi təlimlərdə iştirak edir

2021.10.20, 07:36

Gunaz.tv

Azərbaycan və Ermənistan Tbilisidə hərbi təlimlərdə iştirak edir

Dünən Gürcüstan Müdafiə Nazirliyinin Vazianidəki (Tbilisidən 25 kilometr aralı) bazasında ABŞ, Gürcüstan, Azərbaycan, Ermənistan və Ukrayna silahlı qüvvələrinin nümayəndələrinin iştirakı ilə "Təcili cavab - 2008" adlı hərbi təlimlərin açılış mərasimi olub. Təlimlər NATO-nun "Sülh naminə tərəfdaşlıq" proqramı çərçivəsində həyata keçirilir və avqustun əvvəlinə qədər davam edəcək. Gürcüstan Müdafiə Nazirliyi nümayəndələrinin bildirdiyinə görə, təlimlərdə ümumilikdə 1630 hərbçi iştirak edir. ABŞ-dan min nəfər, Gürcüstandan 600, Azərbaycan, Ermənistan və Ukrayna silahlı qüvvələrinin (SQ) hər birindən 10 nəfər nümayəndə təlimlərin iştirakçısıdır. Gürcüstan SQ Birləşmiş Qərargahı rəhbərinin müavini Aleksandr Osepaişvili jurnalistlərə bildirib ki, təlimlər iki mərhələdə keçiriləcək - komanda-qərargah və səhra manevrləri: "Bu, yeni, NATO standartlarına uyğun texnologiyaların, kompyuter sistemlərinin, planlamanın, səhra təlimlərinin mənimsənilməsi üzrə təlimlər olacaq". Gürcüstan Müdafiə Nazirliyinin nümayəndələri deyiblər ki, qarşıda duran təlimlər zamanı piyada briqadaları səviyyəsində birgə komanda-qərargah hazırlığı, həmçinin humanitar əməliyyatların həyata keçirilməsi zamanı ekstremal şəraitdə praktiki fəaliyyət bacarıqları məşq etdiriləcək. Təlimlərin hazırlanmasını və keçirilməsini ABŞ maliyyələşdirib. Bu məqsədlə 8 milyon dollar ayrılıb. Amerika hərbçilərinin dəniz piyadaları olması xüsusi əhəmiyyət kəsb edir. ABŞ müttəfiq ölkələr üçün belə təlimləri hər il keçirir. İlk dəfə bu təlimlərin keçirilməsi planı haqqında bu ilin yanvarında elan edilib - o vaxt ABŞ SQ Avropa Komandanlığının nümayəndə heyəti Tbilisidə olub və Gürcüstanın Müdafiə Nazirliyi ilə birlikdə təlimlərin planını işləyib hazırlayıb. Gürcüstanda başlayan təlimləri "Turan" agentliyinə şərh edən Azərbaycan ordusunun zabitlərindən adının çəkilməsini istəməyən biri deyib ki, bu, Qafqazda bu sayda Amerika hərbçisinin iştirakı ilə ilk təlimlərdir. İndiyədək amerikalılar kiçik hərbi bölmələr və ya zabit-müşavir qrupları səviyyəsində iştirak ediblər: "Min nəfər dəniz piyadasının Gürcüstana gəlməsi daha çox siyasi məqsəd güdən mini-desantdır. Daha dəqiq isə, ABŞ Moskvaya ikitərəfli münasibətlərin kəskinləşəcəyi halda Gürcüstanı rus ayısı ilə təkbətək qoymayacağını göstərir". O, həmçinin Moskva təcavüzkar fəaliyyətinə son qoymasa, qərb partnyorlarının növbəti addımlar atacağını istisna etməyib. Bu, Gürcüstana Türkiyə tərəfindən hərbi yardım göstərilməsi, həmçinin Amerikanın Tbilisini raket əleyhinə müdafiə sistemləri sistemləri ilə təmin etməsi ola bilər ("Turan"). 525

GUNAZ.TV

SON XƏBƏRLƏR