Contact Us

SON XƏBƏRLƏR

Beynəlxalq Məhkəmə Sudan prezidentinin həbsini istəyib

2021.10.20, 07:36
Beynəlxalq Məhkəmə Sudan prezidentinin həbsini istəyib

Gunaz.tv
Beynəlxalq Məhkəmə Sudan prezidentinin həbsini istəyib omaralbashir.jpg Beynəlxalq Cinayət Məhkəməsinin prokuroru Haaqa Tribunalının hakimlərindən Sudan prezidenti Ömər əl-Bəşirin həbsini tələb etməyi xahiş edib. Prokuror Luiz Moreno Okampo deyib ki, prezident Darfurda baş verənlərə görə məsuliyyət daşıyır. O, cənab əl-Bəşiri soyqırımda, insanlığa qarşı və hərbi cinayətlərdə günahlandırıb. İlk dəfədir ki, dövlət başçısına qarşı belə cinayət işi qaldırılıb. BBC-dən David Bamfordun xəbər verdiyi kimi BMT-də bu qərara münasibət qarışıqdır. Beynəlxalq birlik tərəfindən qəbul olunan ümumi rəyə görə Darfurda cövlan edən humanitar və siyasi böhranın çözümündə sülhün təmin olunması ilə ədalətin bərqərar edilməsi eyni zamanda həyata keçirilməlidir. Lakin siyasi mübahisəni çözən diplomatlar, danışıqçılar, qurbanların maraqlarını təmsil edən ittihamçılar bu məsələnin strategiyasında razılaşmaya bilərlər. BMT-nin Beynəlxalq Cinayətlər Məhkəməsi bu qənaətdə ola bilər ki, məsələyə ümumi qlobal cəhətdən yanaşır, lakin BMT-nin özündə, sülhyaradıcı qüvvələrdə və və yardım agentliklərində narahatdırlar ki, ittiham irəli sürülməsinin əks effektləri ola bilər. Birincisi bu, Sudan hökuməti ilə siyasi çözüm barədə danışıqlara mənfi təsir edə bilər. İkincisi, bu, sudanlıları prezident Bəşirin ətrafında birləşdirər. Artıq Xartumda bir neçə böyük nümayiş keçirilib. Prezidenti çox da dəstəkləməyən müxalifət lideri Sadiq əl Mehdi də onu dəstəkləməyə meylli görünür: “Biz istəyirik ki, sudanlılar, bütün siyasi qüvvələr bu məsələni başa düşüb anlasınlar ki, bu ölkədə hər hnası bir şəxsin, ələlxüsus da liderin hədəflənməsi ölkənin, onun xalqının, sülh və sabitliyin, təhlükəsizliyin hədəflənməsi deməkdir.” Hələlik Beynəlxalq Cinayətlər Məhkəməsinin rəhbəri Luis Moreno Ocamponun prezident Bəşirə qarşı cinayət işi qaldırmaq planları barədə BMT-nin baş katibi Ban Ki munu nə dərəcədə məlumatlandırdığı bilinmir. Sudan mətbuatı yazır ki, cənab Ban sudanlılara bu cür cinayət işi qaldırılmasına yol verməyəcəyi barədə vəd edib. Bu xəbər BMT tərəfindən dərhal təkzib edilib və bildirilib ki, əksinə Ban ki Mun sudanlılara BCM üzərində heç bir gücə malik olmadığını söyləyib. Bununla belə cənab Ban elə ötən həftə bildirmişdi ki, mümkün cinayət işinin açılmasının sülhyaradıcı əməliyyatlara təhlükə çıxaracğından narahatdır.bbc

SEÇİLMİŞ XƏBƏRLƏR

Çox oxunanlar