Böyük barışıq

SON XƏBƏRLƏR

Böyük barışıq

2021.10.20, 07:36

Gunaz.tv

Böyük barışıq

Sarkozi Yaxın Şərqin bütün problemlərini həll edəcək İsrailin baş naziri Ehud Olmert bəyan edib ki, İsraillə fələstinlilər heç vaxt sülh sövdələşməsinə indiki qədər yaxın olmayıblar. Onun ardınca çıxış edən Fələstin muxtariyyətinin lideri Mahmud Abbas da bildirib ki, hər iki tərəf məsələyə çox ciddi yanaşır və sülhə nail olmaq əzmindədirlər. Xatırladaq ki, Olmert və Abbas yeni Aralıq dənizi Birliyi adlandırılan forumun təsis edilməsi mərasimi çərçivəsində bir araya gəliblər. Sammitdə məqsəd - Aralıq dənizi birliyinin yaradılmasıdır. Yaranacaq birliyin Avropa Birliy ilə Aralıq dənizi ölkələrini yaxınlaşdıracağı və qarşılıqlı inteqrasiyanı təmin edəcəyi gözlənilir. Parisdə keçirilən həmin tədbirdə Avropa, Şimali Amerika və Yaxın Şərqdən olan 43 dövlət və hökumət başçısı iştirak edib. Yeni qurum Fransa prezidenti Nikola Sarkozinin təşəbbüsüdür. Fransanın xarici işlər naziri Bernar Kuşner tədbirin açılış mərasimində ölkələri birliyə çağırıb və deyib ki, hazırda müşahidə olunan gərginlik və parçalanmalara məhəl qoymamağın çox ciddi fəsadları ola bilər. Bununla belə Aralıq dənizi Birliyi təşəbbüsü Avropa Birliyinin Almaniya da daxil olmaqla bir sıra ölkələri tərəfindən soyuq qarşılanır. Tədbirdə iştirak etməyənlər arasında Liviya prezidenti Müəmmar Qəzzafi və Mərakeş kralı da var. Lakin Fransa mətbuatı Suriya prezidenti Bəşər Əsədin son yeddi il ərzində Parisə ilk səfərini tarixi adlandırıb. Təkbətək görüşdən sonra Nikola Sarkozi və Bəşər Əsədə Livan və Qətər prezidentləri də qoşulub. Dörd prezident regiondakı vəziyyəti müzakirə edib. Fransa prezidenti görüşdən sonra bildirib ki, Suriya və Livan diplomatik münasibətlər qurmağa hazırdırlar. Bu addım isə əksəriyyət tərəfindən inqilabı addım hesab edilib. Belə ki, Dəməşq və Beyrut müstəqillik əldə etdikdən diplomatik münasibətləri olmayıb. Lakin bu, Dəməşqə 30 il ərzində qonşusunun ərazisinə nəzarət etməyə mane olmayıb. Yalnız BMT-nin müdaxiləsi nəticəsində Suriya qoşunlarını oradan çıxarıb. İki ölkə arasında münasibətləri gərginləşdirən, həmçinin Livanın baş naziri Rafiq Həririnin öldürülməsi olub. Rəsmi Beyrut buna görə Dəməşqi ittiham etsə də, qarşı tərəf bu ittihamı qəbul etmir. Bir sıra analitiklər bu qənaətdədirlər ki, "Aralıq dənizi birliyi" münaqişələrin nizamlanmasında böyük rol oynaya bilər. Belə ki, ilk dəfə olaraq neytral ərazidə bir masa arxasında İsrail, Livan və Suriya liderləri əyləşib. Hələ ki, forumun katibliyinin harada oturacağı və fransızların iki ildən bir toplantı keçirə biləcəyi bəlli deyil. Forum qarşısında qoyulan əsas məsələlər sırasında ekoloyi və təhsil layihələrinin reallaşdırılması da daxildir. Son məlumatlara görə, dünən 43 ölkə Aralıq dənizi ittifaqının yaradılmasına imza atıblar. Bura AB-nin 27 üzvü daxildir. Yeni birliyə daxil olan ölkələrin əhalisinin sayı 760 mln-u ötür. Təşkilatın iki həmsədri seçilib: Nikola Sarkozi və Misir prezidenti Hüsnü Mübarək. kaspi

GUNAZ.TV

SON XƏBƏRLƏR