XƏZƏR İBRAHİM: «TİQRAN BALAYAN QEYRİ-CİDDİLİYİNİ NÜMAYİŞ ETDİRİR»

SON XƏBƏRLƏR

XƏZƏR İBRAHİM: «TİQRAN BALAYAN QEYRİ-CİDDİLİYİNİ NÜMAYİŞ ETDİRİR»

2021.10.20, 07:36

Gunaz.tv

XƏZƏR İBRAHİM: «TİQRAN BALAYAN QEYRİ-CİDDİLİYİNİ NÜMAYİŞ ETDİRİR» Ermənistan Xarici İşlər Nazirliyinin Mətbuat və İnformasiya İdarəsinin KİV-lə əlaqə şöbəsinin rəisi Tiqran Balayan Azərbaycanın xarici siyasət idarəsinin mətbuat xidmətinin rəhbəri Xəzər İbrahimi diplomatik nəzakətsizlik və məlumatsızlıqda ittiham edib. Balayanın iddiasına görə, X.İbrahim artıq neçənci dəfədir ki, Dağlıq Qarabağ münaqişəsinin nizamlanması üzrə keçirilən danışıqlar prosesi ilə bağlı beynəlxalq qaydalarda nəzərdə tutulan diplomatik qaydaları pozur: «Azərbaycan XİN-in mətbuat xidməti rəhbərinin son açıqlaması göstərir ki, o, təkcə nazirin yox, hətta prezidentin də bəyanatlarını şərh etmək iqtidarındadır».

Xəzər İbrahim Bir neçə gün öncə Ermənistanın xarici işlər naziri Edvard Nalbandyan deyib ki, Qarabağ münaqişəsi yalnız xalqların öz müqəddəratını təyinetmə prinsipi çərçivəsində həll oluna bilər. X.İbrahim isə Azərbaycan KİV-inə açıqlamasında bunu «utanmazlıq» və «anlamamaq» kimi şərh edib. T.Balayanın ittihamına münasibət bildirməsi üçün «Media forum» saytı X.İbrahimə müraciət edib. X.İbrahim sayta açıqlamasında deyib ki, Ermənistan tərəfi ilk dəfə deyil müxtəlif səviyyələrdə Azərbaycan nümayəndələrinə və şəxsən ona qarşı əsassız itthamlar səsləndirir: «Azərbaycan-Ermənistan münasibətləri ilə məşğul olan insanlar və bu ölkələrin vətəndaşları mənim, Azərbaycan rəsmilərinin bəyanatlarını Ermənistan rəsmilərinin bəyanatları ilə müqayisə edə bilərlər. Bizim bəyanatlar hər zaman real faktlara əsaslanır, beynəlxalq hüququ əks etdirir. Ermənistan tərəfinin bəyanatları isə elə budəfəki kimi uydurma, heç bir arqumentə əsaslanmayan ifadə ilə doludur. Tiqran Balayan indiki açıqlaması ilə sadəcə, qeyri-ciddiliyini nümayiş etdirir. O deyir ki, guya mən dəfələrlə diplomatik etiketi pozan açıqlama vermişəm. Amma ortada mənim hansı məsələyə qeyri-ciddi yanaşma nümayiş etdirməyim haqda heç bir fakt yoxdur». X.İbrahim əlavə edib ki, bu, Ermənistan tərəfinin ənənəvi taktikasıdır: «Onlar digər tərəfi həmişə nəyisə düzgün danışmamaqda suçlamağa öyrəncəlidirlər. Lakin ortaya fakt qoymurlar. Məsələn, Ermənistan rəsmiləri hər zaman Azərbaycanın münaqişəni hərbi yolla həll etmək istədiyini deyirlər. Lakin həqiqət necədir? Həqiqət ondan ibarətdir ki, məhz Ermənistan tərəfi hərbi yola əl atıb, Azərbaycan ərazilərini işğal edib. Bunlar çox aydın faktlardır. Belə təkzibolunmaz faktları təhrif etmək cəhdləri isə əbəsdir». X.İbrahim Ermənistan rəsmilərinin buna bənzər bəyanatlarını ciddi qəbul etməməyi tövsiyə edib. «Media forum»

GUNAZ.TV

SON XƏBƏRLƏR