"İran Ermənistan üçün nəfəslikdir" Zahid Oruc: "Erməni amili bir sıra dairələrin əlində mühüm alətdir, bu alətdən təkcə Rusiya deyil, İran da yararlanır" Ermənistan prezidenti Serj Sərkisyanla görüşən İranın xarici işlər nazirinin birinci müavini Əlirza Şeyx Əttar iki ölkəni çoxəsrlik dostluq və tarixi-mədəni əlaqələr birləşdirdiyini söyləyib. O, Tehranın İrəvanla iqtisadi əlaqələri inkişaf etdirmək üçün işçi qrupu yaratmaq təklifini də çatdırıb. Əlirza Şeyx Əttarın dilə gətirdiyi bir ifadə isə daha çox diqqət çəkir: "Ermənistan müstəqillik qazandıqdan sonra ölkələrimiz arasında əlaqələr uğurla inkişaf edib. İran ən ağır vaxtlarında həmişə Ermənistanın dostu olub və bu, təsadüfi deyil. Ramiz Mikayıloğlu Bunu Tehranın prinsipial mövqeyi, qəbul edilən siyasi qərar şərtləndirib". Əlirza Şeyx Əttarın bəyənatına münasibətini öyrəndiyimiz Milli Məclisin Təhlükəsizlik və müdafiə məsələləri daimi komissiyasının üzvü Zahid Oruc deyir ki, xarici işlər nazirinin birinci müavini bununla həqiqəti ortaya qoyur. Azərbaycan bir məkan, siyasi iqtidar olaraq cənub qonşumuza yönəlik hər hansı prosesdə iştirak etmir. Tehran isə əksinə, belə məsələlərdə çox fəal rol oynayır. İranın Azərbaycanın ərazi bütövlüyünü tanıdığını bəyanlaması, İslam Konfransı Təşkilatında bu yöndə qətnamələrə dəstək verməsinə baxmayaraq, rəsmi Tehran ikili xətt yürüdür və bu, dövlət siyasətinin tərkib elementidir: "Ona görə də "İran ən ağır vaxtlarında həmişə Ermənistanın dostu olub və bu, təsadüfi deyil" sözlərinin dilə gətirilməsi elə-belə məsələ deyil. Görünür ki, İranın siyasi düşüncə sahiblərinin, ölkənin idarə edilməsində özünə mövqe qazanan şəxslərin təsəvvüründə güclü Azərbaycan təhlükəlidir. Güclü Azərbaycan bir çox məsələlərdə İrana mane olur. Digər tərəfdən, Azərbaycanın formalaşdırdığı siyasətə, işlənən iqtisadi layihələrə bu vasitəylə də maneəçilik törədilir. Yəni erməni amili bir sıra dairələrin əlində mühüm bir alətdir. Bu alətdən təkcə Rusiya deyil, İran da yararlanmaqdadır". Millət vəkili bildirdi ki, bu gün İran özünü təcridə məruz qoyan Ermənistan üçün çıxış yolu, nəfəslikdir: "Əslində bu nəfəslik qapadılmalıdır. İran Yaxın Şərq problemində beynəlxalq aləmi ciddi tənqid edərək, ayrı-ayrı dairələri hədələyir və ABŞ-ın maraqlarına silahlı hədəni artıq siyasi dildə ifadə edir. Amma cənub qonşumuz başqalarına yönəltdiyi ittihamlara rəğmən, özlərinin Azərbaycana münasibətdə həmin ittihamların hədəfi olduqlarının fərqində deyillər. Hiyə Ermənistana açılan nəfəsliyin qapadılmasını istəyirik? Çünki bu nəfəsliklər təcavüzkarlığa nəfəs, meydan, imkan verir. İranla iqtisadi, siyasi əlaqələr quran Ermənistan təcavüzkarlığa şirnikləndirilir. Əgər İranın açdığı nəfəslik qapadılsaydı, Azərbaycanın təsir gücü, apardığı siyasətin effekti daha böyük olardı. Ermənistan cəmiyyəti öz hakimiyyətlərinin üzərinə daha çox qalxar və Qarabağ məsələsinin normal tənzimlənməsinə imkan yaranardı". Zahid Oruc vurğuladı ki, iqtisadi, mədəni sahələrdə islam dünyasını təmsil etdiyini bəyanlayan İranın Ermənistanla çox ciddi əlaqələri var və bu sahədə onlar çox ciddi şəkildə iş aparırlar: "İqtisadi əlaqələrin inkişafı üçün işçi qrupu yaratmaq təklifinin də məhz Tehran tərəfindən irəli sürülməsi təsadüfi deyil". xalqcebhesi