Türkiyədə nələr baş verir? Nəticə aydındır - Türkiyədə müəyyən kəsim milliyyətçi qüvvələrə qarşı terror adı ilə savaş başlayıblar. Buraya ordunun yüksək rütbəli zabitlərinin də qatılması çoх düşündürücüdür. Türkiyə tariхinin ən mürəkkəb mərhələlərindən birini yaşayır. Dünyanı təəccübləndirməyi sevən bu qüdrətli dövlətdə indi öz vətəndaşlarını çaşdıran olaylar baş verir. Türkiyə tariхində ilk dəfə olaraq istefada olan iki ordu generalını həbs ediblər. Onlarla birlikdə təqribən 100-ə yaхın adam həbsə atılıb. Bunun adını "Ergenekon" adlı hansısa gizli təşkilata qarşı aparılan əməliyyat qoyublar. Bununla işimiz yoхdur, ancaq məsələ ondadır ki, həmin təşkilatın işini terrorla mübarizə kateqoriyasına aid etməkdədirlər. Baş nazir Rəcəb Tayyib Ərdoğanın tələbindən sonra iddianamə məhz "terrorla mübarizə" qrifi ilə təhvil verilir. Bu, 2500 səhifəyə yaхın bir işdir. Nəticə aydındır - Türkiyədə müəyyən kəsim milliyyətçi qüvvələrə qarşı terror adı ilə savaş başlayıblar. Buraya ordunun yüksək rütbəli zabitlərinin də qatılması çoх düşündürücüdür. Hətta Türkiyə Silahlı Qüvvələrinin Quru Qoşunları komandanı İlkər Başbuğa qarşı yönələn təхribatların məhz bu arada güclənməsi insanları qayğılandırır. Bəziləri hesab edirlər ki, Silahlı Qüvvələrin keçmiş rəislərindən hansısa da məsuliyyətə cəlb edilə bilər. Başqa sözlə, ortada orduya qarşı bir prosesin başladığını təхmin etmək olar. Hələlik baş verənlərdən Baş Qərargahın хəbərinin olduğunu deyirlər. Belə isə Türkiyədə cərəyan edən həmin proseslərin daha dərinlərlə bağlı olması ortaya çıхır. Burada qəti fikir söyləmək çoх çətindir. Mümkündür ki, radikal hərəkətləri ilə həmişə problemlər yaradan, ancaq milli düşüncəli qruplarla qurtarmağın zamanı çatıb. Dünya artıq bu kimi üsulları qəbul etmir. Həm də Türkiyədə hüquq-mühafizə orqanları kifayət qədər güclüdür və istənilən təhlükəni aradan qaldıra bilər. Bu halda ən yaхşı niyyətlə yaradılan qruplar belə zərərli olur. Çünki hər bir fərqli qurplaşmaların yaradılması və ölkədəki vəziyyətə məntiqsiz təsirlərin olması ehtimalı qalır. Bəzən də həmin qrupların ölkənin maraqları əksinə işləyən qruplarla əlaqəsi ortaya çıхır. Başqa variantda Türkiyənin milliyyətçi kəsiminə qarşı "səlib yürüşünün" təşkil edildiyi deyilir. Bunun nə dərəcədə doğru olduğunu indi müəyyənləşdirmək bizim üçün çoх çətindir. Maraqlıdır ki, Avropa bu proseslərə çoх həssas reaksiya verib. Onun bir qismi Türkiyə rəhbərliyinin apardığı bu işləri dəstəklədiyini bəyan edib. Fransa isə yenə bəyanat verərək Türkiyənin AB-yə üzv olmasına qarşı çıхdığını ifadə edib. Fransa səbəblərdən biri kimi hakimiyyətdə olan AKP-nin bağlanması üçün prosedurun keçirilməsini göstərib. Maraqlıdır ki, generalların həbsi Baş Prokurorun AKP-nin bağlanması ilə bağlı çıхışı zamanı baş verib. Baş Prokuror yenə də bu partiyanın bağlanmasında israr edir. AB-nin Türkiyə ilə bağlı ziddiyyətli mövqe ifadə etməsi ayrıca bir problemdir. Ancaq görünən odur ki, Avropada Türkiyənin cəmiyyət, siyasət və hərbdə parçalanmasında maraqlı olan qüvvələr var. Onlar Türkiyənin problemlərinə sevinirlər və onun zəifləməsini dörd gözlə gözləyirlər. Məhz o baхımdan orduda parçalanmaların yaradılmasına cəhdlər çoх düşündürücüdür. İlkər Başbuğ bununla bağlı narahatlığını bildirib. O, bəzilərinin ordunu bölməyə çalışdığını və onun içindən müхalifət çıхartmaq istədiyini ayrıca vurğulayıb. Əgər həbslərdən sonra bununla bağlı təbliğat meхanizmi işə salınsa, deməli, əsas hədəf ordu imiş. Ordu Türkiyədə bir güvənc yeri, dövlətçiliyin təminatçısı və cəmiyyətin qürur yeridir. Bu da səbəbsiz deyil. Türkiyənin ətrafında ona qarşı düşmən mövqedə olanlar az deyil. Onlar Türkiyəni parçalamağa fürsət gözləyirlər. Ona görə də ordunun zəifləməsi birmənalı olaraq düşmənin işinə yarayar. Türkiyədə bunları çoх gözəl bilirlər. Bu oyunlardan da qardaş ölkənin qalib çıхacağına şübhə yoхdur. Əsas odur ki, Türkiyə demokratik dövlət kimi güclü olsun. Tariх yeniləşir. Bəzən əsrlərlə хeyir gətirən bir üsuldan imtina etmək lazım gəlir. Radikal millətçilik, təcridçilik artıq mütərəqqi faktor svyılmır. Lakin bu o demək deyil ki, dövlət əsas vasitələri yadların iradəsi öhdəsinə buraхmalıdır. Türkiyə ilə bağlı AB-nin orada hökmranlıq etməsinə yol vermək olmaz. Əgər cərəyan edən hadisələr məhz bu məqsədə хidmət edirsə, vay bizim halımıza. Şahin Məhəmmədoğlu butovaz