BRİTANİYA KƏŞFİYYATININ RƏHBƏRİNİ ZƏHƏRLƏYİBLƏR

SON XƏBƏRLƏR

BRİTANİYA KƏŞFİYYATININ RƏHBƏRİNİ ZƏHƏRLƏYİBLƏR

2021.10.20, 07:36

Gunaz.tv

BRİTANİYA KƏŞFİYYATININ RƏHBƏRİNİ ZƏHƏRLƏYİBLƏR Aleks Allenə ya Rusiya xüsusi xidmət orqanlarının, ya da “əL-Qaidə”nin sui qəsd eitdiyi güman edilir

Böyük Britaniya kəşfiyyatının rəhbəri Aleks Allen ölüm ayağındadır. “The Sun” qəzetinin yazdığına görə, Allen bir neçə gün əvvəl Londondakı mənzilində huşsuz vəziyyətdə tapılıb, onu koma vəziyyətində xəstəxanaya aparıblar. Bildirilir ki, 56 yaşlı Allen Britaniya kəşfiyyat xidmətlərinin birləşmiş komitəsinin rəhbəridir, onun sui-qəsd nəticəsində zəhərləndiyi əsas versiyadır. Hazırda Britaniya polisinin antiterror bölməsinin əməkdaşları Allenin aparıldığı xəstəxananın qarşısında növbə çəkərək onun özünə gəlməsini gözləyirlər. Əgər kəşfiyyatçı özünə gəlsə, ondan hansı şəraitdə zəhərləndiyi haqda ifadə alınacaq. Bildirilir ki, Allen idmanla fəal məşğul olub və yaxşı fiziki formada olub, lakin ötən həftənin sonunda özünü qəfildən pis hiss edib, bu həftənin əvvəli isə huşunu itirərək koma vəziyyətinə düşüb. Məlumata görə, Allenin vəziyyəti barədə dərhal baş nazir Qordon Brauna məlumat verilib. Hazırda kəşfiyyatçının durumunun kritik olduğu bildirilir. Allen baş nazirlə birbaşa əlaqə saxlamaq səlahiyyətində olan şəxsdir və vaxtaşırı olaraq ona Britaniyanı gözləyən terror təhlükələri haqda birbaşa məruzə edib. Allenin başçılıq etdiyi struktura Mİ5, Mİ6, hökumət rabitəsi qərargahı, həmçinin yüksək rütbəli mülki məmurlar tabedir. Təhlükəsizlik üzrə ekspert Kris Dobson deyib ki, Allen Britaniyanın düşmənlərinin sui-qəsdinə məruz qala bilər. “Onun xəstəliyinin xarakteri şübhələri Rusiya xüsusi xidmət orqanlarına yönəldir. Onlar zəhərlə öldürməyin tanınmış ustalarıdır” - deyə Dobson bildirib. Ekspertin sözlərinə görə, Allenə sui-qəsdin arxasında “əl-Qaidə” də ola bilər. Çünki Allenin ölümü “əl-Qaidə” üçün böyük bayram sayıla bilərdi. Rəsmi mənbələr isə bildirblər ki, Allenin sui-qəsdə məruz qalması haqda danışmaq hələ tezdir, çünki şübhəli heç bir dəlil tapılmayıb. Bununla belə, Britaniya xüsusi xidmət orqanları Rusiya agentlərinin yüksək rütbəli kəşfiyyatçıya qəsd etməsini istisna etmək istəmirlər. “The Times” qəzetinin yazdığına görə, xüsusi xidmət orqanları Rusiyanı “əl-Qaidə” və İrandan sonra Britaniyaya ən ciddi təhlükə sayırlar. Bildirilir ki, Rusiyanın hər üç təhlükəsizlik xidməti-Federal Təhlükəsizlik Xidməti, Xarici Kəşfiyyat Xidməti və Baş Qərargahın yanında Hərbi Kəşfiyyat İdarəsi Britaniyanı öz agentləri ilə doldurub. İndi Britaniya kəşfiyyatı bütün əsas resurslarını Rusiya agentləri ilə mübarizəyə cəlb edib. F.Məmmədov musavat

GUNAZ.TV

SON XƏBƏRLƏR