Contact Us

SON XƏBƏRLƏR

İran Avropa Birliyinə xəbərdarlıq edib

2021.10.20, 07:36
İran Avropa Birliyinə xəbərdarlıq edib

Gunaz.tv
İran Avropa Birliyinə xəbərdarlıq edib 20080627101900_1.jpg İran parlamentinin spikeri Əli Laricani Avropa Birliyini İrana qarşı iqtisadi sanksiyalar tətbiq etdiyinə görə tənqid edib. Onun sözlərinə görə, İran «Melli bank»ına, «İnqilab keşikçiləri» ordusuna və nüvə proqramı ilə məşğul olan 20 quruma, o cümlədən 15 şəxsə qarşı tətbiq edilmiş bu sanksiyaların məqsədi rəsmi Tehrana nüvə proqramının həyata keçirilməsində mane olmaqdır. Yeni sanksiyalardan sonra «Melli bank»ın Paris və Hamburqdakı filialları, eləcə də Londondakı ofisi bağlanıb. Əli Laricani Avropa Birliyini İranı təxribata çəkməkdə ittiham edib: «Əgər siz təkliflər paketi barədə İranla danışıqlar aparmağa hazırlaşırsınızsa, onda niyə qarşıdurma yolunu seçmisiniz. İndi hələ də etimad qurulmasına çağırışlar edirsiniz. Biz sizə İranı təxribata çəkməyi yox, cənab Əl Baradeyin xəbərdarlıqlarını ciddi qəbul etmənizi məsləhət görürük. Bu halda siz bizim əvvəlcədən müəyyənləşmiş addımımızla üzləşəcəksiniz və sizin üçün qarşılıqlı əlaqələrə qayıtmaq mümkün olmayacaq». Parlamentdəki çıxışında Əli Laricani həmçinin BMT Təhlükəsizlik Şurasının 5 üzvü və Almaniyaya də xəbərdarlıq edib: «Əgər biz hiss etsək ki, siz birtərəfli qərarlar qəbul edirsiniz və danışıqlardan öz qanunsuz əməllərinizə bəraət qazandırmaq üçün istifadə edirsiniz, onda əmin olun ki, proses dəyişəcək. Bu, sizin seçdiyiniz yoldur və nəticələrə görə məsuliyyət sizin üzərinizdə olacaq». Bu arada İran, Avropa Birliyinin tətbiq etdiyi sanksiyaların ölkəyə ziyan vurmayacağını bəyan edib. Prezident Mahmud Əhmədinejad isə ölkəsinin nüvə proqramının qarşısının alınmasına yönəlmiş cəhdlərinə görə, müstəbidlərin cəzalandırılması üçün beynəlxalq məhkəmənin yaradılmasına çağırıb. Avropa Birliyinin xarici siyasət və təhlükəsizlik məsələləri üzrə komissarı Havyer Solana bildirib ki, təmsil etdiyi qurum BMT-nin uranın zənginləşdirilməsi istiqamətində apardığı danışıqları və sanksiyaları dəstəkləyir. Onun sözlərinə görə, beynəlxalq təşkilatlar İranın nüvə proqramının dayandırılması üçün həm danışıqlar aparıldığını, həm də sanksiyalardan istifadə edildiyini deyib. İranın «Melli bankı»nın aktivlərinin dondurulmasına gəlincə, Havyer Solana bildirib ki, bunu İrana qarşı yeni saknsiya saymaq olmaz. O, deyib ki, bu, BMT-nin 2006-cı ildə qəbul etdiyi fəaliyyət proqramında nəzərdə tutulmuş addımdır. ANS PRESS

SEÇİLMİŞ XƏBƏRLƏR

Çox oxunanlar