OBAMANIN MÜSƏLMAN İCMASI İLƏ MÜNASİBƏTLƏRİ KORLANIB Amerikada seçki kampaniyası mətbuatı da iki düşərgəyə bölüb ABŞ prezidentliyinə namizədlər Barak Obama və Con Makkeyn ilkin seçkilər mövsümünün ardınca seçki kampaniyasının tempini artırıblar. Kampaniya mətbuata da sirayət edib, Amerikanın tanınmış nəşrlərinin bir hissəsi demokratları, digər hissəsi isə respublikaçıları müdafiə edən yazılar dərc edirlər. Məsələn, “New York Tayms” qəzetinin dünənki sayında demokrat namizəd Barak Obama ilə Amerikanın müsəlman icması arasında gərginləşən atmosferdən bəhs edilir. Rəqibləri tərəfindən müsəlman olmaqda ittiham edilən Barak Hüseyn Obama bu iddiaları qətiyyətlə rədd edib və özü ilə müsəlman icması arasında məsafə qoymağa başlayıb. Amerikanın ilk və yeganə müsəlman konqresmeni Kit Ellison Obama üçün Sidar Rəpidz şəhərinin məscidində çıxış etmək planından danışıb. Onun sözlərinə görə, törəndən bir az öncə Obama kampaniyasının nümayəndəsi Ellisondan öz sözlərində son dərəcə ehtiyatlı olmağı xahiş etdi. “New York Tayms”ın şərhində deyilir ki, Barak Obama prezidentlik uğrunda kampaniyaya başlayanda Kaliforniyadan və Virciniyadan olan müsəlman amerikalılar böyük həvəslə onu müdafiə edirdilər.ÿ Onların gözündə Obama mülki hüquqların, dini tolerantlığın və xarici əlaqələrdə diplomatiyanın təşviqatçısı kimi parlaq bir namizəd idi. Amma o vaxtdan bir il keçib, Barak Obama müsəlmanların ona göstərdiyi qayğının cavabını qaytarmayıb.ÿ Qəzetin yazdığına görə, müsəlman qrupların rəhbərləri anlayır ki, gərgin seçki iqlimində Obamanın onlarla yaxın təmas qurması problem doğura bilər.ÿ Eyni zamanda sevdikləri namizədin kampaniyasından uzaqda qalmaq bir çoxlarını kədərləndirir. Barak Obamanın vədinə xilaf çıxaraq seçki kampaniyası üçünÿ dövlətin maliyyə yardımından imtina etməsi də mətbuatda qızğın debatlara yol açıb. Belə ki, dövlət yardımını qəbul edən namizədinÿ xərclərinəÿ məhdudiyyətlər qoyulur.ÿ Obamanın donorlardan toplayacağı vəsaitin isə dövlətdən ala biləcəyi puldan dörd dəfə çoxÿ olacağıÿ gözlənilir. “Wasinqton Post” qəzetinin şərhçisi Riçard Kohen bu növ halların simptomatik olduğunu deyərək respublikaçı namizəd Con Makkeynlə Barak Obamanı müqayisə edir.ÿ Kohenin fikrincə, seçkilərdə başlıca xarakter məsələsidir ki, burada da Obama Makkeyndən geridə qalır.ÿ Təbii ki, Con Makkeyn də indiyədək bir sıra məsələlərdə öz mövqeyini dəyişib.ÿ İmmiqrasiyadan tutmuş, vergilərədək Makkeyn son aylarda sağa doğru hərəkət edərək mühafizəkarları öz sədaqətinə əmin edib.ÿ Amma Obamadan fərqli olaraq Makkeyni amerikalılar çox yaxşı tanıyır.ÿ “5 il Şimali Vyetnam hərbi məhbəsində saxlanan və vaxtından əvvəl buraxılmaqdan imtina edən Makkeyn üçün qırmızı xətt, limit var ki, bu, hələ Obamada sezilmir”, deyə Kohen yazır.ÿ O, deyir ki, Barak Obamanın özünə rahat olan məsələlərdə mövqeyini qəflətən dəyişməsi isə namizədin xarakteri haqda sualları artırır. Qəzetin başqa yazarı Yucin Robinson Obamanın diqqəti irqi məsələyə çevirməsindən bəhs edir.ÿ Robinsonun fikrincə, bir çox tənqidçilər güman edirlər ki, Obamanın irqdən danışması seçki kampaniyasında mühüm yer tutan başqa məsələlərdən diqqəti yayındırır.ÿ Onun yazdığına görə, rəy sorğuları göstərir ki, amerikalıların 10 faizi müəyyən irqi ayrıseçkilik hissinə malik olduğunu etiraf edir.ÿ Belə olan halda Obamanın öz təcrübəsindən və iki irqli ailəsindən açıq danışması Amerikada irq barədə debatın müsbət ton almasına yardım göstərə bilər. Digər məlumata görə, Obamanın tərəfdarları Makkeyni “vurmaq” üçün respublikaçı administrasiyasının uğursuzluqları haqda təbliğata başlayıblar. Belə ki, üzərində “Buş irsi” sözləri yazılmış təbliğat avtobusu bütün Amerika boyu səyahətə çıxıb. Avtobus Buşun Amerikanı nə hala gətirdiyini nümayiş etdirmək üçün İraqdakı müharibəni, səhiyyə sisteminin bərbad hala düşməsini, iqtisadiyyatda böhranı və yanacağın bahalaşmasını amerikalıların diqqətinə çatdıracaq. Maraqlananlar avtobusun salonunda Buşun uğursuzluqlarından bəhs edən videosüjetlərə də baxa bilərlər. Təşviqat kampaniyası amerikalıları “dəyişiklik naminə birləşməyə” çağırır. Obamanın adı bu kampaniyada yer almasa da, aydındır ki, dəyişiklik deyəndə onu nəzərdə tuturlar. Çünki Obamanın şüarı “Amerika üçün böyük dəyişiklik”dir. F.MƏMMƏDOV musavat