Contact Us

SON XƏBƏRLƏR

Ayaz Mütəllibov:Elçibəy Azərbaycanın azadlığının aşiqi idi

2021.10.20, 07:36
Ayaz Mütəllibov:Elçibəy Azərbaycanın azadlığının aşiqi idi

Gunaz.tv
«Elçibəy Azərbaycanın azadlığının aşiqi idi» zrwc6tlo.bmp Ayaz Mütəllibov: «Bizim aramızda şəxsi toqquşmalar yox idi» Bu gün mərhum prezident Əbülfəz Elçibəyin 70 yaşı tamam olur. Bu münasibətlə «Mediaforum» saytının suallarını cavablayan eks-prezident Ayaz Mütəllibov Əbülfəz Elçibəy barədə xatirələrini danışıb: «Qarşısına qoyduğu məqsədə nail olmaq üçün müxalifət kimi əlindən gələni edirdi. Onun siyasi mövqeyi bəlli idi. Əbülfəz bəy Azərbaycanın azadlığının aşiqi idi və bu istiqamətdə özünü prinsipial bir siyasətçi kimi aparırdı. Yəni öz xəttindən dönmürdü». A.Mütəllibov eks-prezidentin nöqsanlarının da az olmadığını deyib: «Elçibəy bir növ romantizmə bağlı insan idi. Bəzən eyforiyaya o qədər qapılırdı ki, Azərbaycanın qarşıda hansı bəlalarla üzləşə biləcəyinə diqqət yetirmirdi. Ancaq Elçibəy çox təmiz bir insan idi. Bunu onu tanıyanlar yaxşı bilir. Mən prezident olanda bizim aramızda şəxsi toqquşmalar yox idi. Mən öz fikrimi deyib Elçibəyi və onun ətrafında olan siyasi qüvvələri birliyə çağırırdım. Çalışırdım ki, onlara Azərbaycanın Qarabağdan vacib prooblemi olmadığını anladım. O zaman bizim Qarabağ cəbhəmiz olduğundan ikinci cəbhənin - siyasi cəbhənin açılmasına ehtiyac yox idi. Mən onları əməkdaşlığa çağırırdım, vəzifələr təklif edirdim. Ancaq əfsuslar olsun ki, o zamanın öz ovqatı, öz qanunları vardı və birlik əvəzinə qarşıdurma baş verdi, bu da Azərbaycanı fəlakətlərə gətirdi». Eks-prezidentlər kimi həm özünə, həm də Əbülfəz Elçibəyə qarşı bir biganəlik olduğunu deyən, statuslarının indiyə qədər tanınmadığını vurğulayan A.Mütəllibovun fikrincə, bu amil müasir tariximiz üçün olduqca qeyri-adi haldır: «Beynəlxalq aləmdə, bizim cəmiyyətdə hər bir vətəndaş bilir ki, Azərbaycanda indiyə qədər üç prezident olub. Onların yaxşı, yaxud pis işləmələri sonrakı məsələdir, prezident kimi fəaliyyət göstərmələri faktdır. Birinci prezident mən olmuşam, sonra Elçibəy və Heydər Əliyev. İndi dördüncü prezident hakimiyyətdədir. İlham Əliyev dəfələrlə deyib ki, dördüncü prezidentdir. Belədə əvvəlki üç prezidenti tanımamağa kimin ixtiyarı var? Kim bu vaxta qədər bunca adi bir məsələnin həllini tapa bilmir? Bu, Azərbaycanın müasir tarixidir və heç kim bizim prezident olduğumuzu tarixdən silə bilməz. Mən bilirəm ki, Elçibəyin ailəsi çətinliklərlə üzləşib. Çünki onu heç kim rüşvətxor, şəxsi mövqeyindən yararlanan şəxs kimi qələmə verə bilməz. Elçibəyin prezident olduğu faktını qəbul edib eks-prezident kimi hörmətini saxlamalıyıq. Azərbaycan beynəlxalq aləmdən təcrid olunmayıb. Bizə xaricdə məhz belə məsələlərə görə gülürlər». Xəbər XİDMƏTİ bizimyol

SEÇİLMİŞ XƏBƏRLƏR

Çox oxunanlar