Contact Us

SON XƏBƏRLƏR

Azərbaycan və Rusiya arasında əlaqələr genişləndirilir

2021.10.20, 07:36
Azərbaycan və Rusiya arasında əlaqələr genişləndirilir

Gunaz.tv
_novruzmammedov240106-big.jpg Azərbaycan və Rusiya arasında əlaqələr genişləndirilir Azərbaycan, Bakı, 12 iyun/ Trend News , müxbir İ.Əlizadə/ Rəsmi Bakı hesab edir ki, Rusiya prezidenti Dmitri Medvedyevin Azərbaycana səfəri iki ölkə arasında əlaqələrin daha da inkişaf etdirilməsinə şərait yaradacaq. «Azərbaycanın xarici siyasətinin əsas fundamental istiqamətlərindən biri qonşu ölkələrlə sıx əməkdaşlıq əlaqələri yaratmaqdır. Azərbaycan Rusiya ilə əlaqələrə böyük əhəmiyyət verir», - deyə cümə axşamı Trend News-a açıqlamasında Azərbaycan Prezidentinin İcra Aparatının Beynəlxalq əlaqələr şöbəsinin müdiri Novruz Məmmədov bildirib. Trend News-un arayışı: Rusiyanın yeni seçilən prezidenti Dmitri Medvedyev iyulun 3-4-də Azərbaycana ilk rəsmi səfərə gələcək. Səfər Azərbaycan prezidenti İlham Əliyevin dəvəti ilə baş tutacaq. «Dmitri Medvedyevin Azərbaycana səfəri onu göstərir ki, Azərbaycan Rusiya üçün dünyada dörd-beş prioritet ölkələrdən biridir», - deyə Prezident Aparatının rəsmisi əlavə edib. Məmmədov bildirib ki, Azərbaycanın Rusiyadan bir məsələ ilə bağlı istəyi var. «Hesab edirik ki, Rusiya Dağlıq Qarabağ münaqişəsinin həlli ilə bağlı öz irədəsini ortaya qoysa, bu daha ədalətli və düzgün olar. Bu münaqişənin həllində Rusiyanın mövqeyi mühüm əhəmiyyətə malikdir. Rusiya bu məsələdə daha ədalətli və konkret mövqe tutarsa, Dağlıq Qarabağ münaqişəsi daha tez həll olunar». Ermənistan Azərbaycan ərazisinin 20 faizini - Dağlıq Qarabağı və ətrafındakı yeddi rayonu işğal edib. İşğal 1988-ci ildən başlayıb, 1991-ci ilin dekabrınadək Şuşa və Xocalı istisna olmaqla Dağlıq Qarabağ Azərbaycanın nəzarətindən çıxıb. 1992-93-cü illərdə isə Şuşa, Xocalı və Dağlıq Qarabağın ətrafındakı daha yeddi rayon işğal edilib. 1994-cü ildə Ermənistanla Azərbaycan arasında atəşkəs haqqında razılıq əldə olunub və indiyədək də tərəflər arasında sülh danışıqları davam etdirilir. Dağlıq Qarabağ münaqişəsinin sülh yolu ilə tənzimlənməsi üçün üç ölkə - ABŞ, Rusiya və Fransa təmsilçilərinin həmsədrliyi ilə ATƏT-in Minsk Qrupu vasitəçilik edir. trend

SEÇİLMİŞ XƏBƏRLƏR

Çox oxunanlar