Contact Us

SON XƏBƏRLƏR

Bəhram Qasimi: “Azərbaycan və Ermənistan bölgənin iki mühüm ölkəsi sayılır”

2021.10.20, 07:36
Bəhram Qasimi: “Azərbaycan və Ermənistan bölgənin iki mühüm ölkəsi sayılır”

Gunaz.tv
 GünAzTV: İran Xarici İşlər Nazirliyinin sözçüsü Bəhram Qasimi oktyabrın 24-də jurnalistlərlə görüşündə ölkə prezidenti Həsən Ruhaninin Ermənistana mümkün səfərindən, Tehranın Bakı və İrəvanla münasibətlərindən və erməni işğalı altında olan Dağlıq Qarabağ problemindən danışıb.

Ruhaninin Ermənistana gözlənilən səfərinə toxunan Bəhram Qasimi deyib ki, Ermənistan və Azərbaycan bölgənin iki mühüm ölkəsi sayılır: “Ümumiyyətlə bizim şimal qonşularımızla münasibətlərimiz yaxşıdır. Biz, qarşı tərəfin marağını nəzərə alaraq həmişə onunla müxtəlif sahələrdə olan əlaqələrimizin səviyyəsini yüksəltməyə çaxlışırıq. Bu arada Ermənistanın özünə məxsus yeri var. Bu ölkə, qonşularımız arasında müsəlman olmayan yeganə xristian ölkəsidir. Ümid edirik ki, Ruhani nəzərdə tutulmuş münasib bir vaxta Ermənistana səfər edəcək, ölkələrimiz birgə əmkdaşlıq sahəsində səmərəli addımlar atacaqlar. Biz, Azərbaycanla yaxşı münasibətlərimiz olduğu kimi, Emənistanla da müştərək cəhətlərimizi nəzərə alaraq qarşılıqlı əlaqə və əməkdaşlığımızı genişləndirə bilərik”.

Bəhram Qasimi, Dağlıq Qarabağ problemindən və İranın bu məsələdəki roluna da toxunub: “Bizim Ermənistan və Azərbaycanla əlaqələrimizin tarixi qədimlərə gedib çıxır. Bizim Səfəvilər dövründən bu günə qədər Ermənistanla münasibətlərimiz olub. Həmçinin ölkədə və dünyanın digər ölkələrində yaşayan ermənilərin də İrana münasibəti və baxışı müsbətdir. Bu isə münasibətlərimizi inkişaf etdirmək üçün böyük bir potensiasldır. Qarabağ məsələsinə gəlincə isə, İranın bu iki ölkə (Azərbaycan və Ermənistan) arasında vasitəçilik rolu oynaması heç kəsə sirr deyil. Biz bir neçə ay ciddi səy nəticəsində Qarabağda atəşkəs şəraitini yarada bildik. Bununla da nisbi bir sabitlik yarandı. Lakin sonradan bir sıra ölkələrin dağıdıcı əməlləri nəticəsində bu proses çox sürmədi. Qarabağ məsələsi bütün region üçün böyük bir təhdidə çevrilə bilər. Elə buna görə də ümid edirik ki, bu problem tez bir zamanda ədalətli şəkildə öz həllini tapacaq, iki ölkənin hüquqları qorunub saxlanılacaq”.

A.M

SEÇİLMİŞ XƏBƏRLƏR

Çox oxunanlar