Ruhani parlament sədrinə məktub yazaraq 3 nazir postuna təklif etdiyi şəxsləri təqdim edib

SON XƏBƏRLƏR

Ruhani parlament sədrinə məktub yazaraq 3 nazir postuna təklif etdiyi şəxsləri təqdim edib

2021.10.20, 07:36

Gunaz.tv

GünAzTV: İran prezidenti Həsən Ruhani oktyabrın 23-də ölkə parlamentinin sədri Əli Laricaniyə məktub yazaraq 3 nazir postuna təklif etdiyi şəxslərin adlarını təqdim edib.

Ruhaninin parlament sədrinə yazdığı məktubunda Rza Salehi Əmiri islami irşad və mədəniyyət naziri postuna, Fəxrəddin Əhmədi Daneş Aştiyani təlim-tərbiyə naziri postuna, Məsud Sultanifər isə idman və gənclər naziri postuna təklif edilib. Nazir postlarına təklif edilən şəxslərin səlahiyyətinə yaxın günlərdə baxılacağı bildirilir. İran parlamentinin radikal mühafizəkarlar qanadından olan bir sıra deputatlar ayrı-ayrılıqda bəyanatlar səsləndirərək bildiriblər ki, hökumətdə 3 nazirin istefa verməsi, Ruhani hökumətinin qarşıdan gələn prezident seçkiləri qabağı nümayiş etdirdiyi siyasi manevrdən başqa bir şey deyil və yalnız siyasi xarakter daşıyır.

Oktyabrın 18-i və 19-da Ruhani hökumətinin 3 naziri, təlim-tərbiyə naziri Əli Əsğər Fani, islami irşad və mədəniyyət naziri Əli Cənnəti, eləcə də idman və gənclər naziri Mahmud Qudərzinin tutduğu vəzifədən istefa verib. Bildirilib ki, üç nazirin istefası, həmin nazirliklərdə, eləcə də hökumətin fəaliyyətində işlərin daha səmərli aparılması məqsədilə edilib.

İran prezidenti Həsən Ruhaninin oktyabrın 19-da qəbul etdiyi qərara əsasən, istefa vermiş üç nazirin müavinləri, müvəqqəti olaraq onların vəzifələrini icra edəcək. Beləliklə də Ruhaninin ayrı-ayrılıqda imzaladığı fərmanı ilə Seyid Məhəmməd Bəthai, Təlim-Tərbiyyə Nazirliyinə, Seyid Abbas Salehi, İslami İrşad və Mədəniyyət Nazirliyinə, Seyid Nəsrullah Səccadi isə İdman və Gənclər Nazirliyinə başçı təyin edilib. A.M

GUNAZ.TV

SON XƏBƏRLƏR