Contact Us

SON XƏBƏRLƏR

“Traxtur”-“Fulad” qarşılaşması bərabər hesabla sona çatdı

2021.10.20, 07:36
“Traxtur”-“Fulad” qarşılaşması bərabər hesabla sona çatdı

Gunaz.tv
GünAz TV: Təbrizin “Traxtur” klubu oktyabrın 20-i yerli vaxtla saat 15:00-da Xuzistanın “Fulad” komandasını öz xüsusi stadionunda qəbul edib.

İran üzrə futbol klublarının super liqa yarışlarının 9-cü həftəsində keçirilən qarşılaşmada rəqib komandaların heç biri üstünlük əldə edə bilməyib. 2:2 bərabər hesabla sona çatan oyunun 4-cü dəqiqəsində Lusiano Edinho, 66-cı dəqiqəsində isə Sruş Rəfii “Traxtur” tərəfindən qol vurublar. İsmail Şərifat və Sasan Ənsari isə  30 və 64-cü (penalti) dəqiqələrdə “Fulad” tərəfindən “Traxtur”un vurduğu qollara qarşılıq veiblər..

Bu nəticədən sonra 17 xala (imtiyaz) malik olan “Traxtur” turnir cədvəlinə liderlik şansını hələlik əldən verib.

Oyun zamanı “Traxtur”un baş məşqçisi Əmir Qələnoi hakimə yalnış qərarlarına görə dəfələrlə öz etirazını bildirib. Bu səbəbdən hakim Məhəmmədrza Əkbəryan oyunun son dəqiqələrində baş məşqçini meydançadan xaric edib.

Hakimin qərəzli qərarlarına görə “Traxtur” klubunun mətbuat işləri üzrə müdiri Siyamək Qılıcxani isə, oyunun sonunda hakimi lağa qoyaraq onunla kinayə ilə söhbət edib.

“Traxtur”-“Fulad” görüşündə, 6000 min nəfər tutumu olan stadion tamaşaçılarla dolub. “Traxtur” tərəfdarları səhənd stadionunun meydançasında öt örtüyünün hazır olmaması səbəbindən Bədən Tərbiyəsi Təşkilatına qarşı şüarlar səsləndiriblər.

Bundan öncə bu oyunun səhənd stadionunda keçiriləcəyi barədə məlumat yayılmışdır. Lakin bir müddətdir təmir işlərinə görə qapılarını futbolsevərlərin üzünə bağlayan səhənd stadionun meydançasında işlər yekunlaşmadığı üçün, oyunun “Traxtur”un xüsusi stadionunda keçirilməsinə qərar verilib. Rəsmi şəxslər müxtəlif bəhanələr gətirərək vaxtı uzadır və səhənd stadionunun super liqa yarışlarının 12-ci həftəsindən sonra istifadəyə veriləcəyi bildirilir.

N.S

N.S

SEÇİLMİŞ XƏBƏRLƏR

Çox oxunanlar