Məhəmməd Əlinin yoldaşı Xamneyiyə məktub yazaraq məhbus ata və oğulun azadlığa buraxılmasını xahiş edib

SON XƏBƏRLƏR

Məhəmməd Əlinin yoldaşı Xamneyiyə məktub yazaraq məhbus ata və oğulun azadlığa buraxılmasını xahiş edib

2021.10.20, 07:36

Gunaz.tv

GünAzTV: Məşhur Amerikalı boksçu Məhəmməd Əli Kleyin həyat yoldaşı Lonni Əli, oktyabrın 14-də İranın dini lideri Əli Xamneyiyə məktub yazaraq Tehranın Evin zindanında saxlanılan İran əsilli Amerika vətəndaşları Siyamək Nəmazi və atası Bağır nəmazinin azadlığa buraxılmasını xahiş edib.

Məktubda məhbus ata və oğulun humanist fəaliyyətlərinə toxunularaq onların günahsız və ürəyi təmiz insanlar olduğu vurğulanır: “Bu müqəddəs məhərrəmlik ayında sizdən bu iki vətəndaşa islami mərhəmət göstərməyinizi və onların öz ailələrinə qovuşması üçün şərait yaradacağınıza ümid edirəm. Yoldaşım Məhəmməd Əli, İran və onun xalqının vurğunu idi. Bu iki şəxsi əfv edərək Məhəmməd Əlinin xatirəsini yada salmaq və onun qoyub getdiyi irsə hörmətlə yanaşmaq böyük və ilahi bir hədiyyə olardı. Yoldaşım, islamın və müsəlmanların müdafiəçisi idi. Onun bu sahədə apardığı fəaliyyəti bu gün də dünya müsəlmanları tərəfindən qiymətləndirilir. Elə buna görə də hesab edirəm ki, islamın bir əfv və sülh dini olaraq gerçək simasını göstərmək, böyük əhəmiyyətə malikdir. Dua edirəm ki, hamımız onun (Məhəmməd Əlinin) yolunda addımlayaq və İran-Amerika xalqları arasındakı dostluq münasibətləri gücləndirə bilək”.

“Crescent” neft şirkətinin strateji proqramlaşdırmalar bölməsdinin müdiri Siyamək Nəmazi 2015-ci ilin oktyabr ayında qohumlarını görmək üçün İrana səfər edərkən tutulub. Dörd ay sonra isə oğlunun durumunu öyrənmək məqsədilə İrana səfər edən məhbusun atası, keçmiş diplomat Bağır Nəmazi də həbs edilib. Son günlər ata və oğulun məhkəməsi keçirilsə də, onların konkret nədə günahlandırıldığı və barələrində çıxarılan hökm barədə mediaya hər hansı bir məlumat verilməyib.

Xatırladaq ki, Amerikanın əfsanəvi boksçusu Məhəmməd Əli Kley bu il, iyulun 3-də 74 yaşında vəfat edib.

A.M

GUNAZ.TV

SON XƏBƏRLƏR