Təbrizli həkimin ailəsində baş verən hadisənin səbəbləri dəqiq araşdırılsın

SON XƏBƏRLƏR

Təbrizli həkimin ailəsində baş verən hadisənin səbəbləri dəqiq araşdırılsın – Azərbaycanlı millət vəkili

2021.10.20, 07:36

Gunaz.tv

GünAz TV: Xəbər verdiyimiz kimi, ötən günlərdə təbrizli gənc həkim Əlirza Sülhinin ailə üzvləri ehsan yeməyi yedikdən sonra zəhərlənərək ölüblər.

Belə ki, bir müddət öncə yazdığı xüsusi reseptə (nüsxə) görə məşhurlaşan həkimin ailə üzvləri ehsan yeməyi yedikdən sonra zəhərləniblər. Onlar xəstəxanaya çatdırılsa da, həkimin xanımı və nənəsinin həyatını qurtarmaq mümkün olmayıb, onun valdeynləri isə hazırda Təbrizin Sina xəstəxanasında həkimlərin xüsusi nəzarəti altında saxlanılır. Doktor Sülhinin qardaşı isə xəstəxanada bir gün həkim nəzarətində qaldıqdan sonra evə buraxılıb.

Şərqi Azərbaycan Tibbi Ekspertiza Mərkəzinin İctimaiyyətlə Əlaqələr Şöbəsi isə həkimin nənəsi və həyat yoldaşının xəstəxanada öldüyü xəbərini rəsmən təqdiqləyib. Məlumatda bildirilir ki, hadisənin ehsan yeməyi ilə əlaqədar olub-olmadığı, yarılma əməliyyatının nəticələri elan olunduqdan sonra aydınlaşacaq.

Təbriz, Azərşəhr və Üskünün İran parlamentindəki millət vəkili isə baş verən hadisəyə görə çox təəəssüflərindiyini bildirib. “Əldə olunan bir sıra məlumatlar ehsan yeməyinin zəhərli olduğunu göstərir. Bu hadisənin qəsdən vəya səhvən baş verdiyi dəqiq araşdırılmalıdır “- deyə Məhəmməd İsmail Səidi bildirib.

Azərbaycanlı millət vəkili bu məsələdə bütün səlahiyyətli orqanları diqqətli olmağa çağırıb. “Bu çox narahatedici hadisədir və Təbriz əhalisini dərindən ətkiləyib. Bu xəbər hətta bütün ölkəni də bürüyüb. Ona görə də, hadisənin dəqiq araşdırılması olduqca vacib məsələdir”- deyə o vurğulayıb.

Xatırladaq ki, şənbə günü naməlum bir şəxs Təbrizin “Kuye Firuz” məntəqəsində yerləşən Tibbi Mərkəzə müraciət edərək doktor Sülhiyə ehsan olaraq bir neçə pors yemək verib. Həkim isə naməlum şəxsdən aldığı yeməkləri evə aparıb, ailə üzvləri həmin yeməkləri yedikdən sonra zəhərləniblər.

Bir müddət öncə doktor Sülhi xəstələrinin birinə xüsusi diqqət çəkən resept yazıb. O reseptdə aptekdən (davaxana) istəyib ki, əgər xəstənin aldığı dava-dərmanın pulunu ödəməkdə problemi olarsa, o zaman onunla əlaqə saxlasınlar. Həkimin yazdığı resept sosial şəbəkələrdə geniş müzakirə olunduğu üçün, onun məşhurlaşmasına səbəb olmuşdur.

N.S

GUNAZ.TV

SON XƏBƏRLƏR