Contact Us

SON XƏBƏRLƏR

Kazan görüşü başa çatdı

2021.10.20, 07:36
Kazan görüşü başa çatdı

Gunaz.tv

GünAz TV: Görüş Dağlıq Qarabağ probleminin nizamlanmasının əsas prinsiplərinə (ilkələrinə) dair razılaşmasız başa çatıb.

Kazanda Azərbaycan, Rusiya və Ermənistan prezidentləri İlham Əliyev, Dmitri Medvedev və Serj Sərkisyan arasında Qarabağ nizamlanmasına dair danışıqlar başa çatıb. Kazan Kremlində keçiriliən danışıqlar birgə bəyanatın qəbul edilməsi ilə başa çatıb.

APA-nın RİA Novosti-yə istinadən verdiyi məlumata görə, Kazan görüşünün yekunlarına dair qəbul olunmuş bəyanatda tərəflər bu məqsədə doğru gedən yolda irəliləyişin olduğunu qeyd edirlər.

«Dövlət başçıları bir sıra məsələlər üzrə qarşılıqlı anlaşmanın əldə olunduğunu qeyd ediblər. Bu məsələlərin həlli əsas prinsiplərin təsdiq olunmaı üçün şəraitin yaranmasına kömək edəcək» deyə, bəyanatda bildirilir.

Sənəddə qeyd olunur ki, görüş iştirakçıları əsas prinsiplər layihəsinin təsdiq olunması məqsədilə aparılan işin gedişinə nəzər salıblar.

Azərbaycan və Ermənistan prezidentləri ATƏT-in (Avropa Təhlükəsizlik və Əməkdaşlıq Təşkilatı) Minsk qrupunun həmsədrləri olan Rusiya, ABŞ (Amerika Birləşmiş Ştatları) və Fransa liderlərinə «Dağlıq Qarabağ nizamlanması probleminə daimi diqqətlərinə görə» minnətdarlıq ediblər. Onlar razılaşmanın əldə olunması üzrə Rusiya prezidentinin şəxsi səylərini yüksək qiymətləndiriblər. Bu da bəyanatda qeyd edilib.

 

 Görüşdə iştirak etmiş Azərbaycan nümayəndə heyətinin tərkibinə xarici işlər naziri Elmar Məmmədyarov və Prezident Administrasiyası (nəhade riyasəte cümhuri) beynəlxalq əlaqələr şöbəsinin müdiri Novruz Məmmədov daxil olublar.

 

 Ermənistan nümayəndə heyətinin tərkibinə xarici işlər naziri Edvard Nalbandyan, prezident aparatı rəhbərinin müavini Vigen Sarqsyan və Ermənistanın Rusiyadakı səfiri Oleq Yesayan daxil olub.

 

 Rusiya nümayəndə heyətinin tərkibinə XİN (xarici işlər nazirliyi) başçısı Sergey Lavrov və prezidentin köməkçisi Sergey Prixodko daxil olublar.

 

 Kazan görüşü 2008-ci ildən başlayaraq doqquzuncu üçtərəfli görüşdür. Bundan əvvəlki sammit (zirvə görüş) Soçidə martın 5-də keçirilib.

SEÇİLMİŞ XƏBƏRLƏR

Çox oxunanlar