Azərbaycanlı jurnalistin durumu barədə xəbər yoxdur

SON XƏBƏRLƏR

Azərbaycanlı jurnalistin durumu barədə xəbər yoxdur

2021.10.20, 07:36

Gunaz.tv

GünAz TV: 2011-ci il iyun ayının 8-i (1390-cı il xordad ayının 18-i) Ərdəbil vilayətinin (ostanının) Üngüt şəhərinin Yelsu kəndində tutuqlanan Səid Muğanlı barədə məlumat əldə etmək mümkün deyil.

Azərbaycanlı jurnalist, şair və tanınmış milli-mədəni fəal cənab Səid Muğanlının ancaq Təbrizin ETTELAAT idarəsinə köçürüldüyü barədə məlumat var.

Qeyd etdiyimiz məlumat bir neçə gün əvvəl ortalığa çıxdı. Belə ki, cənab Muğanlı ailəsi ilə telefon bağlantısında Təbrizin ETTELAAT idarəsinə köçürüldüyünü və səhhətinin sağlam olduğunu bildirmişdir. O özünə qarşı irəli sürülən ittihamlar və hansı şəraitdə saxlanıldığı barədə heç bir məlumat verməyib.

Qeyd edək ki, cənab Muğanlının azərbaycanın milli hüquqları zəminində apardığı mədəni fəaliyyətlərə görə tutuqlandığı güman edilir.

Xatırladaq ki, Səid Muğanlı tanınmış ədəbiyyatçılardan biridir. O müxtəlif dərgilərdə qiymətli məqalələrlə çıxış edib. Səid Muğanlı Azərbaycan tükcəsində yazılan ədəbiyyat nümunələrini əski əlifbaya çevirərək Güney Azərbaycanlı türklərin maariflənməsi işində aktiv iştirak edən şəxslərdən biridir. O, 2007-2008-ci illərdə Bakıda keçirilən ədəbi məclislərin iştirakçısı olub. Bakıdan qayıtdıqdan sonra İranın dövlət quruluşuna xələl gətirə biləcək fəaliyyətdə ittiham olunaraq İran İnformasiya və Təhlükəsizlik Nazirliyi tərəfindən tutulub. Bir müddət sonra isə girov müqabilində sərbəst buraxılıb.

GUNAZ.TV

SON XƏBƏRLƏR