Contact Us

SON XƏBƏRLƏR

İranda keçirilən sükut yürüşündə daha çox gənc və gözəl qızları tutublar

2021.10.20, 07:36
İranda keçirilən sükut yürüşündə daha çox gənc və gözəl qızları tutublar

Gunaz.tv

GünAz TV: İran Üləmalar Məclisinin iqtidaryönlü üzvü ayətullah Əbülqasım Xəzəlinin oğlu, tanınmış müxalif jurnalist və siyasi fəal Mehdi Xəzəli yazıda Tehran və digər şəhərlərində keçirilmiş sükut yürüşündən söz açıb.

 

İyunun (June) 12-si paytaxt Tehranda, eləcə də Şiraz və İsfahanda 2009-cu ilin prezident seçkisinin rəsmi nəticələrinə qarşı kütləvi etirazların ikinci ildönümü münasibəti ilə sükut yürüşü keçirilib.

 

 İran İnqilab Keşikçiləri Korpusunun (“Sepah”) qüvvələri, “Bəsic” könüllüləri, polis və mülki geyimli ETTELAAT əməkdaşlarının küçə və meydanları əvvəlcədən nəzarətə götürməsinə baxmayaraq on minlərlə aksiyaçı (etirazçı) sükut yürüşünə qatılaraq repressiyalara (sərkublara) etiraz edib.

 

GünAz TV mətbuat mərkəzinin ”Media forum”a istinadən yaydığı məlumata görə, Mehdi Xəzəlinin yazısında deyilir ki, hökumət qüvvələri heç bir şüar vermədən, dinc şəkildə yürüş edənləri müxtəlif bəhanələrlə avtobuslara basıb aparırdılar: “Vəliyyi əsr küçəsindəki bütün mağazaları bağlatdırmışdılar. Ümumiyyətlə hakimiyyət iki ildir bütün məmləkəti tətil edib. Hər şeyin fəaliyyəti dayandırılıb. Bütün iqtisadi mərkəzlərə iqtisadi durğunluq hakim olub. Zavodlar (karxanələr) və sexlərin (karqahların) 90 faizi də bu gündədir. Onların da fəaliyyətləri dayandırılıb. Axı bu xalqın günahı nədir ki, bizim diktatorluğumuza dözməli, onun bütün fəsadlarını öz çiyinlərində daşımağa məcbur olmalıdır?

 

 Dostumla küçənin bir küncündə durub dinc yürüşə və onun iştirakçılarına baxırdıq. Hökumət qüvvələri sakit və dinc şəkildə yürüşə qatılan, heç bir şüar səsləndirməyən vətəndaşları müxtəlif bəhanələrlə avtobuslara mindirib aparırdılar. Nə qədər fikirləşirəm, hökumət qüvvələrinin hansı kriteriyalara (meyarlara) əsasən təkcə gözəl qızları tutub aparmasının səbəbini başa düşə bilmirəm. Bəlkə də onlara hərbi əsir və hərbi qənimət gözü ilə baxırdılar”.

SEÇİLMİŞ XƏBƏRLƏR

Çox oxunanlar