Bakıya müasir yeni Taksilər gətirilib

SON XƏBƏRLƏR

Bakıya müasir yeni Taksilər gətirilib - FOTO

2021.10.20, 07:36

Gunaz.tv

GünAz TV: Prezident İlham Əliyev iyunun (June) 6-da (xordadın 16-da) Bakıya gətirilmiş yeni taksilərə baxış keçirib.

AzərTAc-ın məlumatına görə, nəqliyyat naziri Ziya Məmmədov deyib ki, “Bakı Taksi” MMC və London Taksi Şirkəti arasında nümayəndəlik müqaviləsi və 1000 ədəd TX4 markalı (London Taksi) taksi minik avtomobilinin alınmasına dair kontrakt imzalanıb: “Artıq 100 ədəd taksi gətirilib. İlin sonunadək daha 900 ədəd taksinin gətirilməsi gözlənir. Bu modellər yalnız taksi məqsədləri üçün istehsal edilmiş avtomobildir. TX4 Avro 4 standartlarına cavab verir, 2500 kubsantimetr (sattimetr-i mükəəb) həcmində dizel mühərriki ilə, 5 pilləli mexaniki sürət qutusu və hidravlik sükanla (hidrolik fərmanla) təchiz olunub. Bu avtomobillərin manevr imkanları yüksəkdir.

Avtomobilin sürücü hissəsinin sərnişin hissəsindən şəffaf şüşə ilə ayrılması sərnişinlərin rahatlığını və təhlükəsizliyini təmin edir. Arxa hissədə nəzərdə tutulmuş üzbəüz 5 oturacaq sərnişinlərə gediş zamanı rahat söhbət etməyə şərait yaradır. Avtomobil sərnişinlərə onlara aid olan hissədən avtomobildə quraşdırılmış hər iki kondisionerlərdən (təhviyyələrdən) birini idarə etməyə, sürücü ilə danışığı asanlaşdıran sistemdən istifadəyə və salonun işığını yandırıb-söndürməyə imkan verir. Buradan sərnişinlər avtomatik (otumatik) şüşə qaldırıcılardan da istifadə edə bilərlər.

Avtomobil əlil və uşaq arabalarının salona daxil olması üçün xüsusi pandusla (pilləkən) təchiz edilib. Həmin pandus əlil və uşaq arabasının salona rahat girməsi və oturacaqlardan birinin çölə çıxıb, əlil sərnişin əyləşdikdən sonra salonun içərisinə qayıtma imkanından istifadəsinə də imkan yaradır”.

Prezident İlham Əliyev avtomobillərdən birini idarə edib.

GUNAZ.TV

SON XƏBƏRLƏR